[惡搞無極限] 就係咁，我同幾個豬朋上左大陸獵金: ３２５　飛伯伯

（唔好意思，因為呢排做野加班，遲左一話，今次一連更新兩話，各位朋友記得睇晒兩話啊）

我就係呢條石枉度等左一陣，驚恐又憤怒地問，「果個仆街黎未啊……」

「應該就到，都叫左你唔等得就落去啦。」還珠格格答我。

我落到，一早落左啦，就係呢一個時間，突然，一個黑影劃過，無可能架！？點解係呢個地方，都會有黑影係我頭頂劃過，而且個黑影都唔細。

無理由係飛機，呢度點會言度咁……唔通係雀仔？又無可能咁大隻架ＷＯ……咁！？唔通係大鵰！？





我望一望我既上面，見到一個背上面背住一對翼既老伯，望住我地幾個係度笑。

我呆左咁望住呢位老伯，直到阿欣話：「老伯，可唔可以借對翼比我玩啊？」

「當然可以啊，小姑娘。」老伯笑住答阿欣，然後又望住還珠格格話：「不好意思，遲了一些。」

原來我唔係發緊夢，呢個老伯頭先係飛過黎！！！！！

「老伯！對翼係你整架？」我問佢，因為我諗都無諗過，竟然有人可以整左對翼出黎仲飛度，我諗呢個係每個小朋友細過都會諗過既夢想，我細過都有，不過直到我見到超人唔駛翼都飛到後就無左咁諗。





老伯又笑一笑同我講：「是啊，你想飛一會嗎？」

我當然想啦，但係，而家做左緊要野先最緊要，不過想飛既慾望不停咁放大，最後，我諗左一個兩全其美既方法，「我朋友係搵你交收Ｄ野，不如你比左佢之後，就送我地幾個落地面好唔好啊？」

老伯聽到我咁問皈，就話：「這小子，有意思。」老伯係佢既袋度拎左一個細袋仔出黎，拋左比還珠格格，係啊！係拋啊！係呢個情況拋比佢點會有手拎啊！！！

我好驚咁望後還珠格格，只見佢兩隻手都離開左樓梯，雙手捉實左個袋仔，人慢慢向下墜。

「小心啊！」我同阿欣叫左一聲，然後，一個黑影衝向還珠格格。





係果位老伯。

「每次妳都是這樣。」老伯話，而還珠格格就笑住答：「因為我知道你一定可以接住我。」