[惡搞無極限] 就係咁，我同幾個豬朋上左大陸獵金: ３２７　耐心

一落到地，我除左有一種完成左飛既夢想既感覺外，仲有另一個想查根究底既感覺。

點解飛伯伯會知道呢一對鏈係阿爸留比我地既，我急不及待走到佢面前問：「老伯，你係未見過我阿爸？」

飛伯伯只笑言不語，無答過我既問題，然後走到還珠格格既面前話：「我知道妳拿這顆石頭是要幹嘛，也知道阻止不了妳，不過妳一定一答應我，萬事小心。」

佢講完後望一望我，才同還珠格格講：「可能會有一些突發的情況發生，不過只要妳把那樣東西拿出來，一定能夠解決的。」

還珠格格點一點頭後，就將飛伯伯比佢既野袋好，而我，就繼續追問落去，不過飛伯伯仍然無回應我任何說話。





直到佢臨飛走前，就只係同我講左句：「小子，耐心一點吧，你一定可以的，我們會再見面。」佢就只有拋下呢一句就飛走。

我地會再見面？點解呢位老伯要扮晒神秘？點解有野唔可以簡單講晒我知？點解仲要我搵？

不忿，但係卻帶住希望，呢一種感覺，好怪。

阿欣行左過黎，佢拖住我隻手話：「我地就聽老伯既說話，耐心Ｄ咁搵啦。」

我聽到佢咁講後，就只係笑左一笑答：「而家可以做既都只有咁樣。」





還珠格格佢望住飛伯伯既影漸飛漸遠，直到消失後，就話：「起程，我地返英紅吧。」