[惡搞無極限] 就係咁，我同幾個豬朋上左大陸獵金: ３２１　黑暗中

係女廁前面等左一陣，經過既人都用一個厭惡既眼光望住我，而我就只係聚精會神咁望住每一個經個既人身上面有邊個地方有燕子既紋身。

不過，就當第十七個女人經過我既時候，佢係我面前停低，我緊係把握呢個機會去搵隻燕子係邊啦。

由腳望只係見到佢著住對黑皮鞋，墨綠色既長褲……女人做咩著褲啊，咁我點睇到隻燕子會唔會係妳隻腳度啊，再望上少少到腰間，唔知點解佢腰間有好多野ＷＯ，不過都唔會燕子，就無謂睇，再上少少，係件淺綠色既襯衫，有好幾個章係上面，都係睇唔到有燕子既紋身，兩隻手，好白滑，無公仔既，再望佢既樣，佢已經好唔好氣咁望住我。

又唔係……睇黎又要等另一個，但係點解呢個女人企係度唔走開既，我再望一望佢，唔知幾時佢手上面多左支棍……好似係支識伸縮既棍。

我望向佢，原來呢個女人仲有戴帽架，我望一望果頂帽，上面有個章，有五個星既……大件事，係我面前既係一個女公安。





「你這個色情狂，光天白日之上在偷窺！！！」佢好大聲咁話，然後全場既人都望向我。

我真係百言莫辯，我國語又唔好，點同佢講我唔係呢？

阿欣妳又係邊度啊，如果佢係度都可以幫下我。

「你快說！為甚麼站在女廁的門口！」個女公安問，而我唯有用人最基本既語高，人體語言，我用盡我既創意扮緊一隻燕子。

但係唔知係我扮我差，定係佢地理解唔到我既意景，個女公安一見到我咁，就不停暴打我。





點解會咁呢？點解佢會打我呢？係我隻腳分我唔夠開扮燕子尾？定係我個咀ＤＯ得唔夠長扮燕子咀。

就係不停比個女公安打既時候，我就忍唔住用廣東話講：「我只係想搵一個紋左燕子既女人咋，英紅吧有難，我想搵佢幫手咋。」

就係呢一句後，全場既燈突然一黑，黑到真係伸手不見五指果種，而有一股力拉住左我，我係呢股力下不停咁撞到Ｄ人，亦因為呢股力既帶領，我去到呢個書城既另一個地方。

呢個地方，有燈光，而家我可以清楚見到同先果一股力，原來係來自一個女人，佢展髮，戴住一副黑框眼鏡，有著衫，無戴帽，眼耳口鼻整晒，係一個女人黎，而且，佢頸後面，有一個比頭髮依稀遮住既紋身，係一個叨住珍珠既燕子紋身。

「你頭先講話英紅吧有難，係唔係真？」個女人好認真咁問我。