[惡搞無極限] 就係咁，我同幾個豬朋上左大陸獵金: ３２０　守廁待燕

係咁大既書城入面搵一個紋左燕子既人，真係有一定既難度，而且仲要所有人都坐晒係度，我一路經過Ｄ人，望到既只係佢地既頭頂，想要更加楚咁睇下佢地有無紋身，真係好難。

點好呢？咁樣落去可能搵好耐都搵唔到架ＷＯ，一定要諗諗計先得。

就係呢個時候，我見到有個人係我身邊行過，咦，好難得有個人會起身既ＷＯ，要把握機會，睇下佢有無紋身先。

我係背後一直跟住呢個人，由上至下，又由下至上都搵唔到佢有紋身，但突然，果個人轉身望住我，然後問：「看甚麼？」

佢語氣唔係幾好，見係咁我即刻ＳＡＹ　晒ＳＯＲＲＹ，然後目送佢入廁所……





等等！？廁所！？係ＷＯ！！！Ｄ人就算住係度睇書，睇睇下點都會去廁所架ＷＯ，佢地去廁所咁姐係起身行啦，起身行未容易Ｄ搵隻燕子啦。

就因為呢個諗法，我就駐足左係廁所門口前面等Ｄ人行過黎。

不過，我諗少左一樣野，就係我地既目標係女人，而我一個男人企左係女廁前面，引黎以下既事發生……