[惡搞無極限] 就係咁，我同幾個豬朋上左大陸獵金: ３２２　還珠格格

眼前呢個女人，同勞斯萊斯比既資料完全吻合，而且佢頭先果個問題，當中題及過英紅吧，佢仲唔係我要搵既人。

「我問緊你野啊，你答我好唔好啊。」佢用呼喝既語氣同我講，而我就點一點頭話：「係。」

「咁發生左Ｄ咩事？」個女人有話，但就係我想開口之際，突然有個黑影衝左入黎，然後起勢咁襲擊果個女人。

唔通！？係碇司令既人！？

但係呢個女人既身手都唔錯，見佢唔單止守得住，仲有還手，果然後英紅吧既前老闆，有本事既人。





不過……點解……果個黑影既身型咁熟既，而且好奇怪，佢只係不停咁打個女人，好似完住唔放我在眼內。

突然，果個黑影捉住我隻手，估唔到剛剛先話佢唔打我，點知一諗佢就打，點算……

但係，佢好似無打我既念頭，佢只係捉住左我拉我走，而佢捉住我既時候，果種觸感……「阿欣？」原來果個黑影係阿欣。

「我頭先見到你比個公安問話果陣，已經想追過黎，但係見到呢個女人鬼鬼崇崇咁觀察住你，我就覺得有Ｄ唔對路，原來佢係想熄燈後捉走你，唔可以啊，你係我既，我係唔可以比人捉走你架。」阿欣妳講呢Ｄ我好感動，但係妳會唔會係會錯意呢？

「阿欣，頭先果個女人，可能就係我地要搵果個人？」我話，然後阿欣就停低望住我問：「頭先果個人係我地要搵既人？」





「係啊。」我點一點頭，然後阿欣回想頭先同果個女人打鬥既情況，「又係ＷＯ，打緊既時候，好似都見到佢有個燕子既紋身……」

「佢就係美紅吧既前老闆。」我話。

而時間真係恰到好處，我同阿欣解釋完後，果個女人就黎左，佢企係我地既面前，擺出一副打架既架式，而我就話：「佢係我女朋友黎架，都係黎搵妳架，頭先只係有少少誤會。」

佢認真地望一望我同阿欣，然後問：「真係？」

「係啊，係勞斯萊斯叫我地黎架，英紅吧比碇司令炸左，係勞斯萊斯叫我地黎搵英紅吧既前老闆幫手……」「等等！頭先你話英紅吧咩事！？」個女人好激動咁講。





「英紅吧……炸左。」阿欣幫我答。

個女人聽完後，咬牙切齒咁話：「係邊個炸架話？」

「……碇司令。」呢次係我答。

果個女人一聽到呢個答案後，就話：「碇司令！！！我避左你咁耐你都係要迫我出黎！我還珠格格以後唔會再避！」

係我同阿欣眼前既呢個女人，係一個紋左一隻叨住珠既燕子，人人都叫佢做還珠格格。