[惡搞無極限] 就係咁，我同幾個豬朋上左大陸獵金: ３１９　踏入書城

一踏入書城，個陣書卷味真係勁到……非不筆墨形容啊，係呢度，你會見到有好多人，佢地係個個都係度睇緊書，真係估唔到內地既文化係咁勁。

但係有個現象好搞笑，你地唔會見到有人企係度，又或者行緊，可能有時你會見到一兩個人行既，但係好快個Ｄ人都會坐左係度，而佢地坐既地方，就只係地下。

係啊，佢地只要搵到一本自己想睇既書，就會原地坐住睇架拿，呢Ｄ未叫霸氣囉，佢地完住唔會理擋住左行人通說，只可以話，佢地求知若渴既地步真係好高。

「阿賢！！！！！！！燕子啊！！！！！！」估唔到一入到黎就咁快搵到前老闆，我聽到阿欣既大叫後，即刻問佢：「係邊度？」

然後阿欣指住左一個緊睇書既人，我望過去，原來係一個人拎住左本燕子既百科傳書既人，估唔到燕子都有百科傳書。





「阿欣，果個唔係……」「燕子啊！！！！！」阿欣又大叫，然後又指住左個睇緊燕子相冊既人。

「阿欣，不如……」「燕子啊！！！！！」今次係一把燕子形狀既剪刀……

我真係好後悔叫左阿欣一見到燕子就大叫……而且因為阿欣咁既行為，有好多人已經睇我地唔奈煩。

我呢一刻，我諗左個方法叫阿欣唔好咁大叫，「阿欣，我地而家玩緊搵人遊戲，係未？」我問佢。

而阿欣就點頭答我：「係啊。」





「我岩岩先諗到，原來我頭先唔應該叫你一見到燕子就大叫，因為如果妳咁樣做，就會有可能嚇走我地要搵既人。」其實真係有可能已經嚇走左都未定。

而阿欣一聽到我咁講，就恍然大悟，「又係ＷＯ。」

「所以我地要轉一轉個方法，如果一陣見到燕子，就向我揮手好唔好。」我同阿欣講，而阿欣就明白地點一點頭：「知道。」

「但係，我地要搵既係有燕子紋身既人，所以只要見到有人紋左燕子，揮手就我拿。」我更正埋呢一點。

「好，知道，收到，完住明白。」阿欣一聽到新ＯＲＤＥＲ，就即刻係呢一層不停咁搵，而我見到佢走左一邊搵，自己都反方向搵，希望可以快Ｄ搵到呢雙燕子。