[惡搞無極限] 就係咁，我同幾個豬朋上左大陸獵金: ２７６　怪風

我企左係一間紋身既舖頭前面，望住廚窗上面貼滿左好多既紋身圖案，「就係呢到。」阿欣同我講，而我再向上一睇，「火焰山」四個大字掛左係間店既上面。

「妳最後就係跟左阿俊去呢度？」我再問阿欣，然後佢就用好肯定既語氣答我：「係啊，我見到佢地入左黎後都有入去睇，但係就比人趕左出黎。」

聽阿欣咁誚，其實我同佢入到去都會比人趕出黎ＷＯ，但係唔黎都黎左，點都要入去睇睇既。

入到去間店入面，見到牆上面掛左仲多既紋身圖案，而遠遠見到櫃臺果邊，有一個都上上地年紀既大叔叨住支菸坐左係度睇咁鹹書。

「請問……」我只係講左呢兩個字，個大叔就話：「我呢度只接受預約，唔做生客架。」廣東話又會講得咁好既。





「我……我地唔係黎紋身架，想搵過朋友。」我講，然後個大叔望左我一眼，「搵人黎呢度做咩，稍為有Ｄ常識既人都知道搵人去公安局架啦。」

「我之前見到要日既人入左黎架。」阿欣講。

「哦……我認得妳，妳之前黎過既，同妳講左無妳講果Ｄ人入過黎啦，妳帶多個朋友黎都係咁答妳架。」

「唔信你啊，本小姐親眼見到果兩個人入左黎架。」阿欣繼續講，但唔知點解，佢一路講一路匿係我身後面，好少何見到阿欣係咁。

而果個大叔笑左笑後話：「呢位小姐，妳唔係又想似之前咁樣硬闖掛，妳都知無用架，上次妳不停想衝入黎，未又比我吹左出去。」





下？吹出去？大叔你係想講趕出去啊？

我望一望阿欣，而阿欣就一臉慌張咁望住我，「呢個大叔識法術架，之前我衝入黎果陣，佢揮一揮手就有一陣怪風吹走我拿。」

我用一個難以置信既眼神望住阿欣，而阿欣就好認真咁點一點頭。

「你地再唔走，我就吹黎地出去架拿。」個大叔話，而阿欣就反駁佢：「今次我男朋友係度，我唔會咁易比你吹走架。」

「男朋友？」大叔笑左笑後，摺起衫袖，手一揮，「都係同一樣既效果。」





突然間，一陣怪風從店內產生……

「又黎拿……」阿欣既叫聲漸細，佢已經被陣怪風吹左出去，而我望住眼前呢位大叔，呆左。呆唔係因為佢手一揮就產生到呢個怪風既舉動嚇呆，而係我見到佢手上面既紋身。

係呢個時候，我諗起阿妹同我講過既野……

「佢叫我搵武則天、白雪公主、花木蘭、還珠格格同鐵扇公主ＷＯ。」

係！就係鐵扇公主！呢四個字而家不停係我既腦海中閃出黎。

我望住呢位大叔手上既鐵扇公主紋身，比陣怪風從店內吹左出黎都未回過神，我望住就要關上既果度門，大叔既鐵扇公主既紋身好似閃出一陣又一陣既綠光。

「下次就唔只吹你地出店外面。」大叔講完呢句話後，門就關上。

我呆左咁住左係度，而阿欣就過黎問我：「阿賢，你無事嘛。」





唔係嘛！！！！！呢個係個好簡單既故仔黎架咋玩咩野法術啊！？