[惡搞無極限] 就係咁，我同幾個豬朋上左大陸獵金: ２００　千斤墜

其實而家場面都有Ｄ怪，成地都係果Ｄ比阿欣同阿妹噴左胡椒噴霧既人係度典黎典去，而方叔叔佢無啦啦跪左係地上面，仲要話對我地唔住，究竟係發生左Ｄ咩事？

阿妹見到方叔叔咁既行為，即刻上次想扶起方叔叔，「方叔叔，你做咩野啊，快Ｄ起身先啦。」

但係方叔叔好似好用力咁跪左係度，就算阿妹點用力扶佢，佢都係無郁過，而佢把口仲不停係度講：「對唔住……係我對唔住你地兩兄妹……」

阿妹睇黎真係好用力，因為佢用力到臉容都扭典左，「……阿哥，快Ｄ過黎幫手……」

我聽到阿妹咁講後，都行左過去，點知一用力，就知道點解阿妹會咁，我面對住呢位跪左係度既方叔叔，想扶起佢，就好似想拔係一棵生左成幾十年既大樹咁，Ｄ根好似已經抓實左塊地咁，根本想郁佢都郁唔到。





「……快Ｄ過黎幫拖啦你地……」我向企左係我後面果幾位壯丁求救。

佢地聽到我既呼喚後，而家先行過黎。

「嘩頂！咁撚重既！」阿倫話。

「係未痴左ＡＡ膠架！」阿輝講。

「仆街！估唔到呢位阿叔有Ｄ料度ＷＯ！」阿俊用盡佢既奶力想整郁佢，而方叔叔聽到阿俊咁講後，又得意咁笑左笑話：「你以為我苦年咁多年既千斤墜流架。」





係，我地深深體會到阿方叔叔你苦練既武功唔係流既，但係你練武功係用黎係講對唔住跪低果陣時用架咩？如果係，我真心佩服你，講句對唔住都苦練幾十年，仲要講得咁有架勢，果然係江湖中人。

而阿欣係旁邊見到我地咁，只係好奇怪咁笑住問：「你地玩咩野咁好玩既？」

我聽到阿欣咁問，都無咩好氣，「……玩緊拔蘿蔔，妳都快Ｄ過黎一齊玩啦。」

「我都可以玩啊！？好啊！」阿欣聽到我咁講後，衝左過黎推開晒我地走，以後雙手扶實方叔叔，坐馬，用力，竟然將方叔叔連根拔起！！！

「好野！」阿欣露出左一副勝利既笑容，而方叔叔則係企左係度，呆左咁望住阿欣，露出左一副專敬既眼神……





搞咩撚野啊你地究竟……