[惡搞無極限] 就係咁，我同幾個豬朋上左大陸獵金: ２０１　我同阿爸好似

阿欣輕易而舉咁將叔叔叔連根拔起後，就好開心咁行到我身邊話：「阿賢，我係未好叻叻啊。」

「係……」我望住我眼前既阿欣，都唔知佢呢一種怪力係點得返黎。

而阿妹就走左去方叔叔面前問：「方叔叔，你頭先做咩無啦啦跪係度啊，我地呢Ｄ後輩受唔起架。」

方叔叔搖一搖頭話：「唔係，係我對你地唔住。」

我望住方叔叔，佢一臉似有難言之隱，我問：「究就係咩野事對我地兩個唔住？」





方叔叔望住我話：「而家睇真Ｄ，你同你爸爸真係好似……」佢行左過黎打量我，而後又捉實我話：「我都好耐無見過你，第一次見你果陣，你好似係三歲。」

我唔記得三歲有見過方叔叔。

「你媽媽幾好嘛？」佢問。

「好。」我點左點頭，然後繼續問頭先我果個問題：「點解對我地唔住？」

方叔叔嘆左口氣，然後話：「不如入去先再慢慢講。」