[惡搞無極限] 就係咁，我同幾個豬朋上左大陸獵金: １９９　對你地唔住

阿欣同阿妹各自拎住一支胡椒噴霧衝向果班人，而果班人都警戒起黎，好似係……槍！

但係我都唔知點解阿欣同阿妹佢係咩構造，點解可以係短短三秒時間就衝左過去而且仲向咁多個拎槍既人噴胡椒噴霧。

而佢地兩個搞店晒Ｄ人後，阿欣一野就脅持左果位阿伯叔，「帶我地入去。」

「阿嫂等等。」阿妹叫停左阿欣，「呢個係方叔叔啊。」

阿欣聽到佢咁講，就問：「就係妳想搵果個人？」





阿妹好大力咁點頭，而阿欣聽到後就放左佢，表情１８０度轉換，「你好啊，你住既地方咁大既。」

果位阿叔都未知發生咩事，呆左咁望住佢地兩個。

唔係掛，咁易搵到阿妹所講既方叔叔，係真唔係啊，但呢度咁多人只得阿妹見過方叔叔，我諗阿妹無呃我地掛。

而個阿叔見到阿妹咁講後，就問佢：「幾位年輕人搵我咩事？」仲要係講廣東話。

「方叔叔，你認唔認得我啊？小可啊，時興隆啊。」阿妹好激動咁同個阿叔講。





「小可！」個阿叔都好激動，「終於見返妳拿，唔見左咁多年終於見返妳拿。」

「我仲帶埋阿哥黎搵你添啊。」阿妹講完之後，個阿叔望向我果邊，而我同其餘企得好遠既人就慢慢行過去。

係我行過去期間，個阿叔已經喊左出黎，正當我行到阿妹旁邊，佢面前果陣，佢突然跪左係度……唔駛咁大禮掛？

「方叔叔你做咩事啊？」阿妹見到咁就問佢。

而方叔叔就話：「……係我對你地唔住。」





對我地唔住！？做咩事對我地唔住？