[惡搞無極限] 就係咁，我同幾個豬朋上左大陸獵金: １７０　血

傾左好一陣，都傾唔到Ｄ咩，佢地始終不停圍繞住確定身份呢件事煩我，而我都比佢地煩到唔耐煩。

「你地想確定時興隆既身份，但係又無方法，咁樣傾唔到落去架ＷＯ。」阿輝從旁講左句。

我係好認同佢呢個講法，「真係，不停圍繞呢個問題又諗唔到點做，有咩用。」我都順勢講埋我自己既諗法。

阿倫聽到都擺出左一個好有好帶道理既樣，不過阿俊就唔同，佢好似條氣唔多順咁望住我，然後話：「係諗唔撚到啊而家，點撚樣啊，唔撚得啊。」佢講完後就推一推我。

「而家唔係話唔得，係大家都想搵過好方法去解決件事。」我話。





「咁撚叻你比個方法黎囉！」佢又好唔好老脾咁推左我一下，呢一下好大力。

阿倫同阿輝見有Ｄ唔對路，就上次阻止，「唔駛咁既阿俊。」

「你地行撚開，而家呢條仆街串９我！」下，我幾時有片你啊，我以事論事咋。

佢行過黎我度，然後好大力咁推左我去張枱度。

「你做咩事咁燥啊？」阿倫同阿輝上次捉實左阿俊，而我就跌左係地上面……





點解……點解腰間有個位咁痛既……

我摸一摸痛既位置，原來，係果四本回鄉證既位……

點解……點解濕濕地……

我睇一睇我隻手，眼見手上面染上左鮮血，我再整高件衫望一望腰間，發現Ｄ紗布慢慢咁滲左Ｄ血出黎。

就係頭先阿俊推我去枱果陣，撞爆左個傷口。