[惡搞無極限] 就係咁，我同幾個豬朋上左大陸獵金: １７１　唔准你有事

我望住滲緊血既位，只係感覺到一陣刺痛直衝去我腦部。

「你無事嘛阿賢。」阿輝走左過黎睇我，但我痛到無力應佢。

「快……快Ｄ搵人黎啦！」阿倫衝左出門，然後去到時興隆間房到，大力拍左幾下，而阿俊，就呆左咁望住我。

過左陣，時興隆黎左，佢一見到我咁，就驚叫：「阿哥你發生咩事啊！」

全場人無人敢話比時興隆聽……





「白車……」我無力咁同佢講。

「咩野係白車啊？」時興隆反問返我。

「……醫院。」我無奈咁答。

「但係我地無證件，去到醫院未……」「唔緊要，我知道有間我地組織去開既地下醫院就係附近，我地而家就去！」時興隆講完，就抱起左我，係公主抱果隻。

而我，就緊蓋住個傷口，個傷口仲不停咁滲血。





我果三位兄弟，就跟左係後面。

「你地幾個快Ｄ幫手去開車門先！」時興隆一聲令下，果三條友好聽話咁跑左去架車度，開左車門。

而時興隆抱左我去後座，「你地兩個好好睇實我阿哥！」佢講完後就衝左上去司機位，馬力全開咁係公路上飛奔。

「阿哥！你唔好有事啊！我岩岩先認返你！我唔准１你有事啊！」時興隆一路開車，一路講，而我，就有到咩都唔想理。