[惡搞無極限] 就係咁，我同幾個豬朋上左大陸獵金: １４６　係個胸上面彈上彈落

上到車，我門都未關好，時興隆又好似上左身咁住力飄移。坐前面同坐後面真係好大分別，前面呢個位既真實感真係大好多。

時興隆手車真係勁到唔知講咩好，我用手緊緊捉實身邊閎扶手，而我就望住佢非凡既技術，究竟要開幾多年車先可以去到佢咁既境界。

我開始明白點解阿俊坐係司機會到會暈，因為我而家都開始有少少暈既感覺。

我繼續望住時興隆，但今次留意佢既係……佢既表情，唔知係未因為聽過果三條友仔既說話，我都開始覺得佢阿欣有少少似。

我意思係性格……





果種咬牙切齒，果種面目猙獰，真係唔相信一個本好靚既女仔，可以有咁既容貌。

男人呢種動物就係咁，當望完個樣，就緊係會掃視下個身材，都係果句，佢應有既有晒，應無既就唔會有多餘。

再望真Ｄ……咦！點解佢戴住果條鏈咁熟口面既，條鏈係佢個胸上面彈上彈落，我好辛苦先追蹤到條鏈既影像，先發覺……

原來係我阿爺留返比我果條鏈咀黎架！

正當我想開口問佢之際，我個頭愈來愈重，而個口開始多左Ｄ分秘物，好似係泡泡咁，然後，就係眼前一黑，再之後，我就唔知發生左咩野事……