[惡搞無極限] 就係咁，我同幾個豬朋上左大陸獵金: １４７　大巴大巴叫醒你

我而家，究竟係邊……

「賢仔，記住去呢個地址搵一個叫時興隆既人。」呢把聲咁熟既，好耐未聽過拿。

「爺爺，呢個人係咩野人黎架？個名咁得意既。」點解我都無講野，但係我聽到自己把聲既。

我見到爺爺搖左搖頭，嘆左口氣話：「唔知好過知啦，只不過佢係你其中一個好重要既人。」

重要既人！？姐係點！？我行左個爺爺度，猛咁搖佢，「點重要法啊爺爺！講我知啦！」





我咁既動作下，爺爺無講不特止，仲比我搖到有Ｄ燥底，大巴大巴咁昇落我塊面度：「仆街仔！我幾十歲人咁大力搖！你唔撚驚搖到我骨質疏鬆啊！」

爺爺好耐都無咁好中氣可以咁打落我塊面度，但點解佢打落黎一Ｄ都唔痛既，唔通我發緊夢……哎呀……頭先都無咩痛既感覺架？點解呢一種痛既感覺會愈黎愈大既。

「啪！」唔多對路ＷＯ，真係好痛ＷＯ。

「啪！」痛成咁，一定唔係發夢啦。

「啪！」我張大眼睛，見到既係時興隆騎左係我身上面，大巴大巴咁打落我塊面度。





「……妳……妳做咩啊！停手啊！」我揊住左時興隆隻手。

「打左幾十巴先醒，浪費我Ｄ力。」佢慢慢起身，而我，就感覺到我兩邊面都熱熱地，好似腫左添。我用雙手不停摸自己塊面，「痴撚線架妳，先前比妳打左巴暈左，而家比妳打巴醒返。」

「呢種方法最方便，你Ｄ兄弟我都係咁叫醒。」聽到佢咁講後，我望左佢示意既方向，見到怇地三個不停係度用雙手摸住自己塊面。

我再留意時興隆個心口，咦，點解頭先係車上面見到有條鏈係度架？而家唔見左既？但我頭先好肯定佢真係有戴住條鏈架ＷＯ……

唔通佢收埋左？