[惡搞無極限] 就係咁，我同幾個豬朋上左大陸獵金: １４５　調位

「你地幾條廢柴休息夠未啊！」時興隆好大聲咁一喝，果三條友都回返神。

「可……可以。」佢地幾個一路點頭一路講。

時興隆入完油走左過黎，佢企係阿俊個前面，好不肖咁話：「你真係好閪無用既，個個男人係我揸車坐我隔離都會嘔晒白泡，你一陣坐後面……」然後佢對眼掃視我地，到我身上時就停低左，「你，一陣坐車頭。」

「我！？」我問。

「係啊！係未有意見啊！」佢啤撚住我話。





「咁……咁又無。」係有意見啊我，我好唔撚想坐前面啊，但係時興隆咁惡望住我，我話有佢一定會打９我，所以我未……唯有話無囉。

「好，上車。」佢一講完就向住架車行左過去。

而阿輝同阿倫就係我身邊講：「係未啊。」

「係咩撚野啊？」我問。

「Ｄ性格係未好似阿欣。」阿倫補充咁講。





「你地話似佢條女啊？」阿俊無啦啦又湊熱鬧，「又真係幾似。」

我聽到佢咁講後，好詫異咁望住佢，阿俊哥仔，我同你唔係咁熟，阿欣都同你唔係好熟，你又點知佢似阿欣呢？唔通……你暗戀佢搵人跟蹤過佢！？

「你地未玩啦，點會似姐，時興隆有波有蘿又靚女，我條女阿欣就擺到明係有天使既臉孔但就無魔鬼既身才，兩個放埋一齊都知唔同啦係未啊。」我就同佢地咁講。

「喔～你咁樣話阿嫂，我地見到佢果陣一定同佢講返。」佢地三個一齊咁話。

「仆街你地傾完計未啊！上車啦！」時興隆已經急不及待咁上左車，仲踩左幾下油門。





睇黎又要進入絕對領域……