[惡搞無極限] 就係咁，我同幾個豬朋上左大陸獵金: １３４　回到監倉

又返到個監倉，我成個人呆晒，望住張床，望一望四邊牆，再望一望個天花。

唉……我究竟行緊Ｄ咩野衰運，點解著草要著到幫人帶貨，你情我願下就話ＯＫ姐，但係而家唔係ＷＯ。

而且，仲要無啦啦比人開左個肚，放左四本野入去，而家講起果個位都有Ｄ頂住頂住，仲開始有Ｄ唔舒服添，唔通係我身體開始作出排斥！？

仲有，阿爺比我個鏈咀而家又唔見左……係ＷＯ！？頭先唔記得左問佢有無拎我個鏈咀添！

忍無可忍下，我係個倉大叫左一下，「啊！！！！！！！！！！！！！！！！！！」





「唔駛咁驚ＷＯ阿賢。」呢把聲係阿俊。

「你話唔驚就假啦，我地而家比人困住左啊……」慾哭無淚既我坐左係地下度，「無自由～失自由～痛心傷心眼淚流～」

「阿賢，我好明白而家你呢一刻既心情。」呢把聲係阿倫，「我果陣一入到黎都好鬼驚，但當我過左半日後，就無晒你而家呢一種感覺。」

「係啊阿賢。」呢把聲係阿輝，「你估都估唔到呢度既服務簡可以同五星級酒店比架。」

下！？佢地係未ＳＨＯＴ　撚左啊？