[惡搞無極限] 就係咁，我同幾個豬朋上左大陸獵金: １３３　送囉……

現在我與那四本回鄉證合二為一。它們乖乖地在我的肚子內睡著，我就像成了一個懷孕了的人一樣，隔著皮撫摸著它們，它們現在的位置是我們想像痛來就得了盲腸炎的位置，我一路摸著它們，一路想著，不知道盲腸炎的痛，會否與陣痛一樣呢……

頂你個肺！！！而家我心情好忐忑啊！！！你條撚樣仲係度忬咩鬼情！

真係唔發火都唔得……

我摸住凸起左個位，Ｏ左咀咁望住碇司令，「你就咁放四本回鄉證入去！？唔驚佢係入面爛架？」

碇司令依然笑得好陰森話：「我都講左我地用最安全既方法，放入去前加以處理過架拿。」





「點處理？」我問。

「講你都唔識架啦。」佢答。

「講啦，我想長知識嘛。」我又問。

就係我不停煩佢之下，佢開始燥燥地答：「保鮮紙啊。」

唔撚係啊！天啊！我想知我究竟得罪左你Ｄ咩！你咁玩我法！





佢答完我又變返好認真咁問我：「咁你幫唔幫我送？」

「頂你個肺！你搞到我咁我仲幫你送！我無原則架！我唔撚係人黎架！我話你知我個肚本來就係裝食物既！你而家放四本回鄉證入黎想點先！貪方便等我以後過關行Ｘ光機就得唔使行Ｅ道啊……送囉……」

你地可以屌９我無膽，因為當你比幾支炮指住果陣，唔通你唔答應咩……