[惡搞無極限] 就係咁，我同幾個豬朋上左大陸獵金: １２４　原來時興隆係……

硬晒個三個人一步一步咁跳左入黎，個過程就好似以前Ｄ港產彊屍片咁，我同果位靚女都某晒。

「仲咩ＭＡＮ姐佢今次搵班咁既人黎送貨。」果位靚女用一個好不屑既目光望住我地，而我都只係乾笑左幾聲。

真失禮……

入左間房之後，兩邊都企滿晒不同人，我諗呢到就係時興隆既總部，而兩排人最尾，中間度有個位，我諗一定就係時興隆坐既位。

我望住呢個位，吞左淡口水。





「做咩，好驚咩你？」個靚女問。

「有少少緊張姐……」我回答佢之後問：「我想問時興隆大哥惡唔惡架？」

「你問咩話，時興隆大哥？」佢好奇怪咁問。

「下！？」我望一望佢，「咩呢度唔係時興隆大哥既總部咩？」

果個靚女笑左笑，然後話：「係就係時興隆果場……」然後佢就走去個拉度坐低左，望住我地四個話：「但無人講過時興隆係男人ＷＯ。」





「下！？」我地四個Ｏ晒咀咁望住個靚女，而我就問：「咁時興隆係……」

「我就係時興隆。」果靚女用好平常既語氣講。

咩話！？原來時興隆係個女人！？而且目測佢仲細過我添ＷＯ！！！