[惡搞無極限] 就係咁，我同幾個豬朋上左大陸獵金: １２３　硬晒

果位靚女係我地面前拆左個盒，拎左四本野出黎，無錯，真係我地果四本回鄉證，然後佢再拎部手機打左個電話，而對話係：「課到了，一樣快。」

唔通佢係講我地送貨既速度同呢四本回鄉證同事送到？咁勞斯萊斯佢……

靚女拎住四本回鄉證，然後望一望我地三個人：「你地得三個人，點解會有四本回鄉證？」

係呢個時侯，有人係度拍門，「入面有無人啊……」呢把死人咁既聲，聽得出係阿俊。

我指一指道門，然後答個靚女，「仲有一個人係出面。」





個靚女白左一下眼，「開門。」

阿倫同阿輝因為見到靚女，成身硬晒無反應，所以呢Ｄ粗重功夫又係交返比我。我走左去開門，一開道門，阿俊就跌入黎，我扶住佢，而佢就問：「係未送到拿，我頭先見到個順豐友喊住咁走，係未我地快過佢？」

我諗果條友喊住走係另一Ｄ原因囉。

我扶佢企左係度，然後阿俊望一望各前，突然間成個人精神晒，眼都凸埋，同阿倫阿輝一樣成身硬晒。

「人齊就跟住黎。」個靚女講完之後，就行入左另一間房，而我就拎係個袋跟上去，但跟上去之際，我回頭望住身後面郁都唔郁果三個人，「佢叫我地四個跟住佢啊。」





三個人一齊答：「太硬郁唔到，你上先。」

你地三個狗公，真係令我地男人丟架……