[惡搞無極限] 就係咁，我同幾個豬朋上左大陸獵金: ９４　又係爆樽既場面

ＭＡＮ姐佢微微低下頭，「點解……」眼淚慢慢咁落下，一滴，兩滴，滴左係佢條純白長裙上面。 

在場既人見到ＭＡＮ姐咁都嚇左一跳。 

「我為左你，放棄女人既身份，放棄自己個名，係因為想你知道我可以幾愛你……但點解你都係唔接受我。」ＭＡＮ姐說。 

勞斯萊斯嘆左啖氣，「有Ｄ野，唔係你為佢犧生過Ｄ咩就會得到妳想要既結果架，愛情更甚。」 

ＭＡＮ姐不停咁搖頭，「唔係架，我知你會愛我架，係未，我地咁與眾不同，係天生一對架。」 





勞斯萊斯聽到佢咁講只係一臉既無奈，而ＭＡＮ姐見到則係無力咁坐左係張椅子上面。

佢放空咁望住四周，眼神空既洞，睇得出係帶住一種落寞既失落。 

「我明白拿。」ＭＡＮ姐突然間講左呢一句：「係未因為果兩個人！」

佢用手指左指阿俊，然後再指一指企係好後面既我。 

阿ＭＡＮ姐，妳眼力駛唔駛咁好啊，我企到咁後都可以搵到咁勁。 





勞斯萊斯聽到ＭＡＮ姐咁講，就話：「唔係，妳唔好諗多左。」

「一定係！」ＭＡＮ姐講完一手拎起剛剛飲緊個樽酒，對住阿俊飛過去。 

係未係而家Ｄ女仔都鐘意玩爆樽架……有無Ｄ新意啊……