[惡搞無極限] 就係咁，我同幾個豬朋上左大陸獵金: ９５　愛你變成恨你

「成日比人爆樽，我今次唔會咁死蠢，閃都唔是既。」夠俊佢好瀟灑咁避開左個樽。 

「人黎，同我捉住佢地。」MAN姐一聲令下，所有人一擁而上。 

「你敢係度搞事⋯⋯」勞斯萊斯話。 

但MAN姐佢拎起左支叉，一野吉左入勞斯萊斯隻手上面，「係妳迫我既。」 

在場就係咁打起左上黎，MAN姐果班人，人數眾多，多到係係「英紅吧」入口衝入黎既人，入極都有。 





而我地就得果幾個人，好快，我地全部人都比MAN姐班人制服左。

而MAN姐點名捉左我同阿俊兩個出去⋯⋯ 

「就係你呢兩個狐狸精，勾引勞斯萊斯。」 

我呢一世人點都估唔到會比人用狐狸精呢三個字形容自己，我係一個男人，唔係一個女人⋯⋯但係又無人講過唔可以用呢三個字形容男人既，而家呢個世界咁注重男女平等。 但呢個都唔係重點，我絕對唔會做人第三者囉！更加唔會做人狐狸精！而且對方仲要係個男人。 

我同阿俊都O左咀咁主住MAN姐，而我果兩位兄弟就係旁邊，忍唔住笑左出聲。 





「笑果兩個都同我捉佢出黎。」MAN姐吩咐佢D細做野。

幸災樂禍，抵佢地兩個死。