[惡搞無極限] 就係咁，我同幾個豬朋上左大陸獵金: ９３　燭光早餐

全場人都靜晒，注視坐兩個人，勞斯萊斯同ＭＡＮ姐。 

「妳今日黎呢度，想點？」勞斯萊斯問。 

「同你慶祝我地五周年囉。」ＭＡＮ姐天真既笑容，使全場人心寒，佢地從來都無見個ＭＡＮ姐會係咁既樣。 

「我準備好晒架拿。」ＭＡＮ姐話，然後用吩咐既話氣講：「幫我拎已經準備好晒既野入黎。」 

可能係因為在場既人仲未習慣咁既ＭＡＮ姐，所有人既反應都好似慢左半拍咁，過左陣先有人應ＭＡＮ姐。 





只見幾個人拎左Ｄ野出黎ＳＥＴ左個場，一張枱，兩張椅，蠟燭，西餐用具…… 

ＭＡＮ姐妳唔係想日光日白係我地咁多人面前同勞斯萊斯食燭光早餐掛。 

「坐啦。」ＭＡＮ姐坐低左，然後勞斯萊斯都無奈咁坐低，而一個人就充當侍應，幫佢地兩個倒酒。 

「呢五年黎，我學左好多野啊。」ＭＡＮ姐笑笑口咁講；「係佢地身上面學左好多男人先會做既野，令我更加知道點樣做一個不是女人既女人。」 

勞斯萊斯聽著，目無表情。 





「但你五年來都係無變到，都係咁吸引我。」ＭＡＮ姐少有地臉紅咁講。 

「無錯，無變度。」勞斯萊斯話：「就連對妳既感覺都無變度。」 

「咁係咩感覺啊？」ＭＡＮ姐問。 

「無感覺。」勞斯萊斯說。

「我變左咁多都依然無？」ＭＡＮ姐問，而勞斯萊斯點一點頭。