[惡搞無極限] 就係咁，我同幾個豬朋上左大陸獵金: ４９　地址

而家係我眼前，係紅毛ＯＲＤＥＲ左既一枱菜，都幾豐富架，有魚有肉仲叫左兩支大啤。 

佢幫我倒滿左一杯酒，然後話：「最緊要食飽先。」 

然後我同紅毛起勢咁食，因為呢幾日我真係無咩胃口無咩點食過野，餓左幾日，咩野都可以放得入口。 

食到咁上下，我地兩個都有七分飽，都放慢左手腳，紅毛就係呢個時候問我：「你上到黎有無打算去邊度？」

 我拎左剛剛位老坑比我既地址，「我舅父叫我上到黎去呢個地址ＷＯ。」 





紅毛拎左張紙睇一睇，「邊鬼度黎架？」

 阿紅毛哥，知我都一早話你知啦。 

「唔好理咁多，等聽晚訓醒之後再諗下點去。」紅毛講完後打左個飽嗝。 

「你……一齊去？」

「緊係啦，橫店我上到黎都無野做，放心啦，多個人，多個照應嘛。」 





真心……真心係多個照應？佢咁講，我總係覺得會有Ｄ野發生。 

食飽後我地係附近搵左個地方落腳訓一晚。 呢一晚，我訓唔著，我拎左幾次個地址出黎望，究竟聽日去到呢個地址，會發生Ｄ咩野事。我望住有Ｄ污糟既天花，拎出左阿爺留比我既鏈咀。 

唔通，呢次係我返大陸搵阿爸Ｄ野既機會？