[惡搞無極限] 就係咁，我同幾個豬朋上左大陸獵金: ５０　第一個早晨

眼光光，望天光。一夜失眠後面對我第一個著草既早晨……感覺係……好撚眼訓，但係訓唔著，我諗呢Ｄ係一貫香港人既通病。 

橫店都訓唔著，不如早Ｄ起身好過，我坐左起身，望向訓係隔離床既紅毛，佢仲扯緊鼻鼾。 

我費事叫醒佢，走左落床洗左個面，拎左條門匙同老坑比我既地址，落左樓下問所謂既服務枱。 

行到個服務枱，我未開口個阿姐已經話：「靚仔，咁早起身啊？」佢用Ｄ唔係好正既廣東話同我講。 

我笑左笑，拎左張地址出黎：「禾賞門呢個笛子在拿女？」我自己講完都唔知自己講緊咩野，何況係我面前果個阿姐。 





「靚仔不如你講返廣東話啦。」 

尷尬……尷尬到呢…… 「呢個地址點去啊？」 

阿姐睇左睇個地址，「由呢度去，都要坐個幾鐘車，你可以……」 

我好努力咁聽緊阿姐既唔正既廣東話，同記得佢講過要坐咩車去，等佢講完後，我再拎左我條鏈咀出黎，打開左個鏈咀再拎左放係入面個地址。 

「咁呢個地址呢？」 個阿姐又睇左陣，「呢個地址真係唔知。」 





咁好啦，再問下其他人，不過今日點都要去舅父叫我去果個地方，而家，我只係諗緊好唔好叫埋紅毛一齊去，同埋想知度邊度有早餐食。