[惡搞無極限] 就係咁，我同幾個豬朋上左大陸獵金: ４３　點解著草（３）

個老坑行到紅毛面前，同佢講：「佢地而家係出面，唱緊我地收埋Ｄ低能弱智既人，拍條片唔清啊。」 

紅毛聽到後，好似個做錯野既細佬仔咁，抆住耳仔跪左係度不停話，「我知錯架拿，我下次會拍得清Ｄ架拿。」 

個老坑深呼吸左一口氣，再講：「片唔清唔緊要，但係點會……」

佢拎係左部電話，用部電話拍打住紅毛塊面，「點會放上ＴＨＩＳＡＶ　先得架！ＴＨＩＳＡＶ　比人睇愛情動作片架！你呢條片係放上去果個叫唔知咩野既ＹＯＵＴＵＢＥ！我地而家個字頭比人笑啊！話我地唔好睇咁多ＴＨＩＳＡＶ　對智力有影響架！」 

紅毛聽完呆左望住個老坑，「唔關我事架，唔係我放架。」 





「仲抵賴！片係你拍就緊係你放架啦！」個老坑成部電話車左落紅毛個頭度，部電話當堂爛左。

—　—　— 

我望住呢一刻既紅毛，佢眼神係充滿怒意，加上佢個頭紅色，好似豪鬼……但係包到咁……魔童加豪鬼啦。 

「就係咁所以要著草？」我問。 

「未完！」紅毛講到火都起晒，「之後阿公佢要執家法，Ｄ大漢想捉住我，咁我老虎蟹都反抗下架啦，我除手拎起附近Ｄ野亂舞，但因為前一晚爆晒光，手軟軟，甩手飛撚左去阿公到……」 





「之後呢？」 

「我未唔覺意整到阿公爆光囉！所以而家未要著草囉！所以話係未關你事先！」紅毛愈講愈激動，仲捉撚住我衣領。

唔撚係啊紅毛大哥，片又係你拍，放片果個又係你兄弟，錯手打傷你阿公果個人仲要係你自己添，成程野我都係個受害者，你屈成咁，係未果晚阿欣爆你樽爆都ＳＨＯＴ左啊？