[惡搞無極限] 就係咁，我同幾個豬朋上左大陸獵金: ４２　點解著草（２）

—　—　—

「紅毛哥唔訓多陣？」

「唔拿，愈訓愈頭痛，阿Ｂ呢？」

「唔知佢ＷＯ，剩係見佢慌失失咁閃左去，問佢搞咩佢又唔講。」

「唔係掛，佢尋晚仲話幫我放條片上網架ＷＯ。」





「咩片啊？」

「呢條啊。」紅毛開左條片比人睇。

果個人睇左之後，笑撚住講：「下，原來呢條片係紅毛哥你拍架。」

「係啊，點啊你睇過？」

「而家網上好紅下啊。」





「都好彩個死仔做完先閃，有無條片既ＬＩＮＫ　啊，ＳＥＮＤ　比我睇。」 

如事者佢兄弟就ＳＥＮＤ　左條ＬＩＮＫ　比佢，而紅毛一收到條ＬＩＮＫ　笑左出黎話：「唔撚係啊，紅到連ＴＨＩＳＡＶ都有呢條片？」

「唔係阿紅毛哥，個死仔ＰＯＳＴ　左上ＴＨＩＳＡＶ啊。」

「咁搞笑！」 紅毛哥聽到之後，笑到合唔埋口，「估唔到個死仔都幾絕下架ＷＯ。」 

就當紅毛笑得好開心之際，一個人行到紅毛身後面，好認真咁同佢講，「紅毛，阿公要見你。」 





紅毛聽到後即刻彈左起身，「咩咩咩……咩話？」 

「跟住黎。」 

紅毛跟左果個人入左間房，面對住佢既，係一個食緊大煙既老坑。 

「……阿公。」 

個老坑無出聲，只係噴左口煙出黎，然後開住部電話，播緊阿賢比人點相果條片。 

而紅毛睇住部電話，一粒聲都唔敢出，等到條片放完，個老坑問：「條片你拍架？」 

「……係啊……」

「你知唔知，而家出面，個個字頭都講緊呢條片。」





「係啊，阿公，條片而家好紅下架，呢條ＰＫ今次死得架拿，一定好多人追住佢，打撚……」紅毛連個死字都未講完，個老坑就成支大煙車向紅毛到。 

紅毛呆左咁望住個老坑，「咩事啊阿公？」

呢句之後，幾個大漢都走左入黎。