[惡搞無極限] 就係咁，我同幾個豬朋上左大陸獵金: ４４　點頭

眼見紅毛咁激動，我都好後悔點解當初會問佢呢個問題，而家我只係好無奈咁望住怒啤緊我既紅毛，佢雙手握住個拳頭已經聽到勒勒聲咁。

你地話，而家點收科先得架……

個位著草小姐好似見到我呢邊情況有Ｄ唔對路，所以就行再埋黎。

「兩位搭客，你地著草都坐埋同一條船，都係一個緣份黎既，稍安無燥，稍安無燥……」

我同紅毛同事間望向個著草小姐，望到實一實。





我諗呢一刻，我同紅毛諗既野應該係一樣。

「係囉係囉，我地坐埋同一條船嘛而家……」紅毛個頭不停上下點頭。

「係啊係啊。」我都係咁點頭。

「咁見你地無事，我就放心ＬＵ，我去拎Ｄ野先。」個著草小姐話。

阿紅毛聽到呢句即刻叫停個著草小姐，「妳唔好走啊，妳走左我又唔知會做Ｄ　咩，可能我又發脾氣架拿。」





「係啊係啊。」我仍然點緊個頭，仲要係一路睇住著草小姐彈緊過黎，一路點。

無錯，呢位著草小姐係彈緊過黎，因為架大飛係咁拋上拋落，邊會好似地面咁行到。

整到……整到……著草小姐咁好身材，佢個波濤洶湧，仲勁個而家打緊埋黎Ｄ浪。

「咁……咁我暫時唔走開啦。」

「唔走開就岩拿。」剎那間，我同紅毛都好淫邪咁對視左一眼。





學著草小姐咁講，我地都同坐一條船，都係一種緣份，咁大家好應該為Ｄ好野合作下既。