[惡搞無極限] 就係咁，我同幾個豬朋上左大陸獵金: １７　仲想唔想玩啊？

我真係想知我究竟做錯Ｄ咩，點解我而家要係條街到跑，仲要比人追緊九條街……

剛剛過埋第十條，而我拖住既阿欣仲可以好開心咁拎左部機出黎自拍。 

阿欣，妳自拍記得ＰＯＳＴ　上ＦＢ，　等妳Ｄ　ＦＤ　見到幫手報警。 

講到報警，我真係想知點解我比班人追左咁耐，一個警察都無既，我都有交稅比你地買催淚彈同胡椒噴霧…… 

咦！ 係ＷＯ，我今日帶左支胡椒噴霧係身架ＷＯ。 





呢支野點樣得返黎就唔多講啦，我放開左拖住阿欣隻手，係個袋度摷左支胡椒噴霧，然後奸笑咁望住追左我十條街果班仆街，你地今次仲唔死。 

「咩事停低啊？」阿欣問我，而我用左一秒時間望一望阿欣同望一望支胡椒噴霧。 

「阿欣啊，妳仲想唔想玩啊？」我扮天真咁問阿欣。

 「緊係想啦！」阿欣超興奮咁答返我。 

我即刻比左支胡椒噴霧阿欣，「我今日特登帶左呢支野比妳玩架。」

然後我指住追緊我地果班人，「妳睇下而家有幾多個目標比妳玩。」 

阿欣聽到我講之後，好開心咁望住果班愈追愈近既人。 

「係ＷＯ。」阿欣個樣愈黎興奮。 

「呢度仲有保護法寶長遮一把添，雖然佢唔係黃色，但係都進可攻，退可守架。」我將把７仔遮交左比阿欣。

 阿欣接過左把７仔遮之後，好感動咁望住我，「阿賢，你對我真係好。」 





「係啊，咁妳快Ｄ去玩啦。」 

「好！」講完之後阿欣就衝左過去。

我成認我咁做真係好仆街，但我唔知點解做左之後個心好暢快。