[惡搞無極限] 就係咁，我同幾個豬朋上左大陸獵金: １６　手執７仔遮

「出面咁多人，不如出去睇下有咩玩。」阿欣好天真咁望住我。 

小姐啊，出面Ｄ人係衝住我地兩個黎，就係要玩９我地兩個，妳而家同我講要出去睇下有咩玩，姐係想玩９我姐。 

我呢一刻真係有少少火火地，我唔撚理佢然後走左去個職員度，問佢：「呢度有無後門？」 

「我地無後門架WO。」 唔係掛，一間７仔無後門有無搞Ｑ錯啊。 

「阿賢，做咩事姐？」阿欣好似仲係唔知發生左咩事咁，出面果班人已經慢慢行近間７仔，而人群中我見到一個人，係一個比人扶住左既人，無錯，就係果條紅毛。





 我係７仔入面見到個紅毛指左入黎，仲口ＵＰ　ＵＰ　咁，我即時心知不妙。 

而阿欣而家先見到紅毛，「條友仲企得到起身ＷＯ。」 

「仲講，衝出去睇下走唔走到啦。」我一手拉住阿欣，一手隨便咁拎左把７仔遮，膽粗粗咁衝向門口果度。 

今鋪真係比阿欣玩Ｑ死。 一踏出７仔門口。

「未撚比佢地走啊！」我聽得出係紅毛把聲，你條友爆晒光就去急症室啦，走黎復桌駁升職咩。