[惡搞無極限] 就係咁，我同幾個豬朋上左大陸獵金: １８　比人點左相

我睇住阿欣打開左把遮擋住自己，另一方面用支胡椒噴霧噴追我地果班人，真係好暢快。 

而阿欣都玩得好開心，佢一路噴，一路喪笑，有時仲回頭望我對住我傻笑左下。 

好彩，佢無發覺得係走緊姐，我特登面向住佢慢慢向後行，等佢以為我仲係到等緊佢玩完一齊走。 

追我地果班人都比阿欣噴得七七八八，而我同阿欣個距離都遠左好多，而當我想轉身跑走之際。 

頂！點解我隔離多左個人架。 





「你條撚樣……想走……」哦，原來係重傷左果個紅毛。 

「拿，大哥，你以家成身傷大家無為嘈啦，況且打傷你地有唔係我，係果邊果位女士，你冤有頭債有主，搵返佢負責好ＷＯ。」 

「佢唔係你條女咩？」 

「係，但不過……」 

「係未得囉，你條女咁喪，應該捉唔住，但你條廢柴咁撚無用，捉你應該易好多，到時候捉你要脅你條女未得囉。」 





仆你個街，咩而家Ｄ古惑仔咁醒既，咁既方法都比佢諗到。 

係我仲ＬＯＡＤ　緊佢講緊既野時，佢就拎左部機出黎對住我影左張相，然後仲開始拍埋片。 

「拿，我而家點左你相架拿，片都有埋，一陣我就放條片上網，各位巴打見到呢條撚樣就幫我打佢啊。」

仆街！咩而家古惑仔興咁樣點人相架咩！