[惡搞無極限] 就係咁，我同幾個豬朋上左大陸獵金: ９ 收到風
我兩個兄弟向我表示左一下「靠你都費９事」既表情後，就放棄左轉場既念頭。
而我其中一個兄弟阿輝就問：「阿嫂啊？點解咁多地方有得打邊爐妳唔揀，妳係要揀呢度既？」
嫂你條命啊仆街仔，玩野啊。
阿欣好神秘咁做左個叫我地哄個頭埋佢度既手勢，然後話：「我收到風，今日呢到有兩班人講數，我咁大個女都未見個人講數，未黎見識下囉。」
我地三個聽完之後，不知幾想大巴大巴咁昇落佢度，我見我果兩位兄弟都已經握緊晒個拳頭，點知阿欣仲要加多句：「消息仲話呢次一定拆唔店，佢地兩班人打硬添。」
阿欣一邊講一邊露出興奮既笑容。
我另一位兄弟阿倫聽到阿欣咁答之後，回應左以下呢句：「妳夠未見個人食屎啦，妳唔好走入去廁所拎舊屎叫人食左佢。」
「我試過啦，都無人肯食。」阿欣既回答令我地都好無奈。
「伙計！寫野！」阿欣舉手叫左個伙計寫野。
係現場，我諗除左果兩班人同阿欣外，我同我果兩位兄弟，以及大排檔既伙計都諗住同一句話：「頂你個肺，講還講唔好開拖啊唔該。」