[惡搞無極限] 就係咁，我同幾個豬朋上左大陸獵金: １０　開始講數

其實我真係好唔慣比咁多人啤住之下仲要食度野，而且仲要係一班兇神惡煞既人，我同兩位兄弟都變左鵪春咁可以坐得有幾細粒就有幾細粒，但阿欣就好似無咩野咁，係度不停扔Ｄ　野入個邊爐度。

 而沉寂左既兩班人，終於都開始講野：「你條撚樣，我每次一有新野搞，你就一定跟風搶，你咁樣係咩意思先？」螢光幕左攻右既睇黎好似大佬輩既人出緊聲。 

「跟風，我邊有跟你啊，你係街頭開，我就係街尾開，點跟先？」螢光幕右攻左既睇黎好似大佬輩既人又出緊聲。 

「唔該，我地ＯＲＤＥＲ　左個碟魚蛋好似未到啊。」阿欣，人地講緊數啊而家，妳食小陣魚蛋會死咩。 

「你條友仔玩野啊！跟風都唔緊要！仲要四圍唱我地Ｄ貨點差！」





 「咁多人唱，你又會知一定係我唱既。」

 「唔該，仲有Ｄ　啤酒飲晒拿，要多兩支大啤唔該。」阿欣，我地都飲左好多酒，妳仲叫。 

「喂！阿姐！妳見唔見我地講緊數架！」其中一個個頭染晒紅色既人指住阿欣。 

阿欣即刻企左起身，啤住果位紅毛，而我就都即刻起身拉返阿欣坐低，然後同個紅毛講：「唔好意思，唔嘈架拿，你地慢慢繼續。」 

我一坐低，手臂已經比阿欣抓左一下，「我碟魚蛋仲未到啊，你幫我叫個伙計跟一跟。」





阿欣，妳唔撚係啊。