「手天使的愛情」幫人洩慾，竟愛上盲女。: 50；幸福家庭。

行出奧海城，塔上72X巴士，我開始陷入思考人生既狀態。淑芬，Heidi，Tiffany……都係礙於伴侶家長既阻撓，而冇辦法修成正果。咁萬一我同永芹真係行到談婚論嫁既地步，我應該點同我爹地媽咪傾？

「爹地，媽咪，我大個仔啦，俾我揸一次fit啦，我真係會俾心機做好人地老公咖！

」

「爹地，媽咪，我會生性，我真係好鐘意永芹，希望你地睇到我地既誠意。」

……

呢類說話從我口中講出黎，通常都冇乜說服力，因為我就係一個大細路，自己都照顧唔掂

最起碼房間成個亂葬崗咁，人懶到呢

不過家陣講呢d似乎又遙遠得濟，人地話熱戀期通常只有三個月，談戀愛談到轉入直路有機會會變得乏味無趣。我唔知啦，我只知道，我第一次見到永芹含羞答答咁陪朋友黎了，個份義氣同單純，令我非常欣賞。當然，永芹係幾靚女

毒撚好易鐘意人都係事實。同永芹出過兩次街，我第一次感受到戀愛既甜蜜，我諗我唔好理會以後發生乜事，能夠陪多佢一日算一日啦。

我諗我爹地媽咪咁錫我，應該唔會將屋企所有資產變賣曬，然後拎住一袋又一袋現金去大埔火車站派俾路人都唔益我掛。

就算我爹地媽咪係咁做，我都仲有親戚呀，再唔係我入贅于家我都冇問題咖。

其實內心裡我都貪慕虛榮既

由於我坐喺巴士下層，由於係收工時期，巴士座位都應該坐曬人，有人甚至要企喺度，而到咗某個站，有個女人拖住個小朋友上車。某d大陸人一眼望過去就知道佢係大陸人，眼前呢個唔使審都知道係大陸人，而佢唔單知有個小朋友，仲拎住一袋看似好重既袋。就係咁，巴士行駛中，佢地似乎企得比其他人更加困難，尤其係個個小朋友，下下都好似想跌咁。我原以為靠近佢地既乘客會讓座，點知佢地都係望住個兩母子左搖右擺，都冇人讓座。

如果個個係香港人，我諗大把人爭住讓座，可能就係因為佢係大陸人，明知道佢拖住個小朋友（4-6歲），都冇人讓座。

我即刻起身走過去讓個位俾佢坐，個大陸女人同我講咗句謝謝，於是拖住佢個仔去坐。

我讓座唔係顯得我好人，只不過我覺得一個女人拖住個仔，我想讓座俾佢啫，我坐少陣我唔會死，但小朋友企多陣可能會跌親撞親，咁就無謂啦。

平時搭火車地鐵，我都好少坐，一黎想留俾其他有需要人坐，二黎唔想因為座位引起紛爭。

讓唔讓座，唔應該成為道德批判既導火線。

而大陸人同新移民，唔應該成為某政黨既代罪羔羊，我明白大陸人普遍受教育水平唔高，來港後陋習太多，惹起香港人公憤。

但係，唔係個個大陸人同新移民都係仆街，樹大有枯枝咋嘛，社會唔應該將負面情緒發洩曬喺佢地身上啫。

我寧願相信我見到既大陸人同新移民係唔仆街，但唔願意每見一個大陸人同新移民，就當佢係異類。

返到屋企，一開門已經聽到譚詠麟既歌詞，我就知道爹地播緊歌。

爹地：「返黎啦