「手天使的愛情」幫人洩慾，竟愛上盲女。: 49；Tiffany身世。

我此刻既心情，就好似港女終於上咗架法拉利，係呀冇錯個座位窄窄地，但係冇所謂呀，坐靚車就係享受速度與快感，享受俾玻璃窗外途人羨慕咁望住，享受條仔伸手指入自己大髀內側。點會諗到仆你個臭街法拉利行起上黎既速度仲衰過坐電車，連隔離的士佬自信爬頭。

好彩，Tiffany都叫「書香世家」，衣櫃得一，書櫃反而兩三個。我隨手就拎起本書，英文黎。再拎起本書，又係英文黎。

我：「呀Tiffany，有冇d中文書籍呀？」

Tiffany：「好少咋 係之前仲睇緊小姓奴既殘忍的偷戀 同紅Van 」

我：「小姓奴？于日辰？好波呀，Tiffany，我都係于日辰fans黎 好鐘意睇佢fb寫散文。」



Tiffany：「真咖？我都係呀 」

我：「幾驚你係看鄺俊宇fans 」

Tiffany：「鄺俊宇d書未睇過。」

我：「唔睇好過睇你都有上高登咖？ 」

Tiffany：「有呀，得閒會上創意台，好好笑咖 」



我：「原來絲打黎 但係絲打，因乜解究你屋企好似齋裝修完而冇佈置咁既，但你又住喺度wor 」

Tiffany：「其實呢度，原本係我同我男朋友一齊供既，但係，啱啱俾完首期冇耐，我地就分咗手。」

分手？唔撚係呀，Heidi又分手，Tiffany又分手，係咪有殘疾既女仔都有段分手故事 又係因為殘疾而分手？

我忽然諗起促成我進化成口天使既淑芬，又係因為咁而同男朋友分手。殘疾人既愛情，往往行到見家長一part就危機四伏，就算伴侶幾咁體貼，只要得不到家長們既支持，乜野轟轟烈烈既愛情最終都不能白頭偕老。


所以住公屋月入唔過2K既人何需咁自卑呢？有冇諗過殘疾人係處處碰壁，交往到頭黎都係一鶴眼淚？




去見家長冇雞髀食就喊哭喊忽，咁殘疾人呢？何止冇雞髀食，可能連同檯食飯既機會都冇呀。


諗度呢度，我諗做人真係唔好妄自菲薄，更加唔好覺得自己慘。



我，永芹，Tiffany，雖然係殘疾，但我地家境都唔差，起碼唔需要為三餐而擔憂。


得閒打開電視見到d非洲兒童，又有病又冇啖好食，有d甚至一出世已經唔知咩叫健康，咩叫健全

但係佢地都願意樂觀面對，展開笑容。




咁我地三個都叫不幸中既大幸，至少我地生活環境唔錯。


但係，香港仲有好多殘疾人，除咗要面對大大小小既歧視之外，愛情同婚姻，似乎已經成為遙不可及既議題。只議論而不到題，往往埋尾個一刻就撻Q。

我雖然好鐘意講野，但我都會有詞窮既時候，我既經歷令我明白到有d說話應該權衡過先講出口，要顧及別人感受，中學同學姚子瑩既死，令我改變好多，令我更加珍惜身邊人，更加願意關心別人。

聽到Tiffany講起佢同男朋友分手，我嘗試微笑應對，唔好俾Tiffany有Hard feeling，唔想俾佢覺得好似我係公，我選擇再翻閱書櫃上既書。

Tiffany：「係咪想知點解會分手？ 」Ti

我：「你想講的話，我會聽 」



Tiffany：「佢話我地唔夾， 佢鐘意social，我鐘意做義工，好多野都冇辦法達成共識，做返朋友會適合d。」

我：「oh 」

Tiffany：「談婚論嫁咖啦，籌備緊婚禮，有一晚佢就咁同我分手 」

我：「 」

Tiffany：「咁當然佢都係想保護我，所以先作埋荒謬既理由。我知道佢屋企人一直唔鐘意我，認為我係斷腳灰姑娘佢地家族唔想我做新抱。佢覺得佢廣泛講我會好受d，佢唔想我覺得佢屋企人嫌棄，所以寧願我嬲佢一個，因為我愛佢，就算憎恨佢，都會愛與恨互相抵消而變得冇咁嬲 」


我：「點解你可以咁叻？好多時候你都可以平靜咁面對，笑住去講一件唔開心既事情 」

Tiffany：「人生不只愛情同婚姻既 當打機咁儲經驗值，有經歷就會成長，變得更加堅強 」



我：「所以，你專注於殘聯會既工作 用繁忙去抵消自己既胡思亂想？」

Tiffany：「No。我係好清楚我份工作係我人生既重心，我唔係用殘聯會份工去消磨人生，去麻醉自己，做得殘聯會，我地係希望用自己少少力量，去協助殘疾人過得更好 。言語開解係唔夠，我地要不斷去為佢地爭取更多野，例如福利，權利，性，社交等等」

我：「啱。」

Tiffany：「其實道理邊個都識。言語開解別人只係一種好細既幫助，多數唔開心既人都唔係因為別人開解而開心返，而係靠自己諗通咗先會開心 返。你猛同佢講道理其實佢對未必聽得入耳，正如我地殘聯會咁，一味同殘疾人士講我地應該點點點活出燦爛，成效並不大。我地要踏出第一步，例如搞各式各樣既 獲活動，成立各式各樣既部門，去帶領佢地適應返社會，唔好俾主流社會拋得太遠。」

聽君一席話，勝讀十年書，人生好多知識，靠書本係學唔曬，接觸多d人，先會學到更加多知識同做人道理

我：「不如我地遲早搞個殘疾人士婚姻介紹所，為各位殘疾巴絲相親 」

Tiffany：「有得諗wor 如果多幾個人好似你咁有heart就好 」

我：「既然送咗你返黎，我都返屋企lu，爹地媽咪等緊我食飯 」



Tiffany：「咁今日麻煩曬你，thx 」

我：「我希望下次黎呢度，呢度既書櫃會多d小姓奴既書籍 」

Tiffany：「點解你咁鐘意小姓奴？ 」

我：「近年興起既網絡作家，最似返個文人就係小姓奴 文筆可以扮有，文人氣質冇得扮 我鐘意佢率直，好有南海十三郎既feel。 」

Tiffany：「佢寫野文筆好靚 」

我：「識貨 我走啦，聽日見 」

Tiffany：「byebye喇 」