「手天使的愛情」幫人洩慾，竟愛上盲女。: 39；永芹家長好友善。
永芹既爹地媽咪，溫文爾雅，咀邊總是掛住笑容，俾到人peace & love既感覺，眼神絲毫殺傷力都冇，唔會望到人唔舒服。
伯母：「黎，食塊火龍果
」伯母親自切埋火龍果，遞埋黎。我：「唔該，唔該
」呢個時候，門口有人返黎，兩個西裝友入咗黎，正是個次見過既永芹大佬二佬。只見佢地同爹地媽咪打招呼完，都友善同我打招呼。
Vincent：「我地上次見過咖啦，我係芹芹大佬，Vincent
」佢伸手，我伸手，自然就梗係握手。Damon：「Hi，我係Damon
幸會 」又主動同我握手。我：「你地好，我叫雅輝
」呢個時候，芹芹喺外傭攙扶下落咗黎，一家人都好關心芹芹，問佢肚唔肚餓，今日玩得好開唔開心，問既野都好例牌，但好warm，正是一家人每日必備既寒暄。
見到佢地咁熱鬧，我後悔當年以獨生子心態，阻止我爹地二次中出我媽咪。事源佢地曾經問過我想唔想要多個細佬妹，我當時7歲已經明白到分餅仔既哲 學，冇理由叫多個人黎分薄我獨攬既寵愛，於是我就扭計兼喊，希望佢地唔好生多件。其實家陣諗返起，我又的確幾衰既，搞到我爹地媽咪冇機會試下湊女既滋味
兩公婆得我呢一粒仔，仲要係弱視，真係有種含蓄既sad味。永芹： 「雅輝。不如上去我房間坐下？我彈鋼琴俾你聽呀。
）」雖然永芹望唔到我既位置，但依然好溫柔咁對住另一面講野，我即刻上前輕輕掂一掂佢手仔，示意我就喺去2隔離。我：「永芹，我喺度呀。
」永芹：「呵呵，我間房望出去就係游泳池，快d黎睇
」唉，你都睇唔到，得我一個睇，有乜意思啫，真係傻妹黎
我諗永芹個份童真，係最令我印象深刻。
喺外傭同我既攙扶下，永芹雀躍地帶我入到佢間房，嘩，大到呢
如果一頭一尾擺個細龍門，可以當五人足球場
或者我扮大灰狼永芹扮小紅帽將間房當喺森林咁都有排摸索
間房既擺設簡單得黎又不失格調，除咗鋼琴同床，仲有衣櫃書櫃，而墻壁上掛住好多永芹細個同屋企人既合照。我：「你細個都好cute wor
」永芹：「咦，你睇到我d相？
」我：「係呀，成間房都係
」永芹：「呵呵。」永芹呢個時候，伸手四周圍摸，我唔知佢做乜，即刻扶住佢，好驚佢撞到。
我：「于千金，何解咁頻撲郁動呀？
」永芹：「諗住同你介紹下我d相
每一張相都代表我去過既地方，有故事咖 」我：「你形容下張相，我會對應到咖，你坐喺我隔離話我聽啦。」我扶芹芹坐低。
永芹：「有冇見到一張雪地既相？個張係我15歲同屋企人去瑞士滑雪既相
我唔識滑雪，跌咗好多次。 」係wor，真係有張雪地全家福
我：「雪山有冇中國傳說中既聖獸之一白虎咖？」
永芹：「雪山點解會有白虎？」
我：「乜唔係玄武住深林，朱雀住火山，青龍住深海，白虎住雪地咖咩？白虎唔係住雪地，點解會係白色既
」永芹：「哈哈，你要repeat小學
白虎係基因變種先會令到毛髮變白色。」我：「你好叻
我後悔我讀咗咁多年書
仲以為白虎住雪山 」永芹：「笑到我唔記得我頭先想講咩
咁你再望下……有張搭船既相，我同我爹地，去荷蘭坐船咖。 」我：「見到。
」永芹：「荷蘭好得意咖，四周圍有河，d人用磚頭等等圍住d水唔好俾佢湧入民居，而有人住喺船屋，我去參觀過，好得意
」我：「你咁好記性。
」原來，永芹以前睇到野既，原本值得開心既分享時刻，被突然湧上心頭既一點點sad影響到。
而永芹繼續歡喜地介紹佢張相背後既故事。
永芹：「你再睇下，有張相係櫻花樹下我同媽咪既合照。
」我：「見到，好靚，係咪大阪黎？ 」 今次唔會估錯啦，日本職業足球聯賽有隊波叫大阪櫻花。
永芹：「大阪都有，但呢張係京都。」
我：「京都不死鳥。」
永芹：「咩黎咖？」
我：「傳說中有種鳥類，翅膀一張開可以遮住半邊天，壽命不祥因為佢唔會死，咁多年黎守護住京都呢座城市。
」永芹：「下。」
我：「呢單野好少人知，我講俾你聽，你唔好話俾人地知。
」永芹：「你呃我，呵呵，根本冇不死鳥
」我：「你知唔知我讀書個陣，綽號係咩？我綽號就係百科全書呀，智商高到全校冇一個教師可以教到我野，每日都係等校長跪喺地下親自教我。
」永芹：「但係你連白虎都唔知wor。」
我：「校長妒忌我才華，特登講錯，陰我。
」 講完我都唔爭氣咁笑咗永芹：「好衰咖你，又fake我
」 永芹出動佢既摸索拳，輕輕打我。我：「唔好玩啦，我日本通黎咖
橫濱就有水手，東京就有綠茵，盤田就有山葉，新瀉就有天鵝，大阪就有櫻花，神戶就有勝利船，名古屋11有八鯨，鹿島有鹿角，福岡有黃蜂，er，仲有來自大宮的松鼠。」永芹：「你見過？」
我：「我細細過已經見過，而且成日打開報紙都見到佢地。德島有漩渦，水戶有蜀葵，山形有山神，鳥棲有沙岩，草津有溫泉……好多地方既特色野我都知。」
永芹：「係咪真咖
」我：「梗係啦，我仲見識過好多地方特色，例如，洛杉磯銀河，紐約紅牛，西雅圖海灣，芝加哥火焰……er，仲有好多好多，三日三夜都講唔曬。」
永芹：「咁我冇去過咁多地方喇。」
我：「我都冇去過，以上都係賽馬會教識我既名黎，全部足球隊黎
」永芹：
永芹又笑又嬲，係咁假意要打我，我咪由得佢打我，學孔乙己既說話，這裡充滿快樂的空氣
永芹：「喂呀，我彈琴俾你睇呀
」我：「my pleasure 啦
」永芹唔駛扶，準確地攀上鋼琴座位，開始佢神乎其技既演奏技巧，我真係估唔到，睇唔到野都可以彈琴樂章，仲要好似平時播歌咁流暢，冇話疾下疾下，一氣呵成就彈完首 「小情歌。」。
我： 「你知道 就算大雨讓整座城市顛倒 我會給你懷抱」
永芹：「車，有音樂個陣你又唔跟住唱
」我：「驚掛住聽，聽唔清你彈琴既聲音。純音樂好好feel
你好犀利
」永芹：「唔犀利啦
不如我彈琴，我地合唱一場。」我：「其實我……」
其實我右耳聽力好差，要我跟住音樂唱，我一定捉唔準個音
會演變成音樂係都走，我喺度唱，完全唔啱。我聽得出係邊首歌，但跟唔上節奏唱，以前去唱K試過好多次唉唔覺意又要自爆我另一大殘疾
但我又唔想掃興，唯有頂硬上。
我：「黎lor，music。」永芹彈緊前奏，我好俾心機咁聽佢唱我先跟住唱
我：「……這是一首簡單的小情歌 唱著我們心頭的白鴿」
一轉段，我就跟唔上，越甩越多，但永芹只笑笑口，繼續彈奏，等埋我既節奏。
清唱同跟住純音樂唱，好唔同
我又陷入人生低谷，等同叫我蒙住左眼投籃，冇球入咁濟 鳩射都撞出框框