「手天使的愛情」幫人洩慾，竟愛上盲女。: 38；送永芹返屋企，順便見埋家長。

我：「于小姐，黎到旅程既最後一站啦，請問你屋企喺@（@（@（#*(&*#……&￥ 」

永芹：「@（@（@（#*(&*#……&￥」

我：「好呀，于小姐，康樂園好大wor，你要慢慢行呀。 」

永芹：「知道啦。」

條路唔難行，我諗緊陣間點答先難。雖則我係個私屋撚，五金鋪太子爺，我諗住揸呢份CV去見家長都幾靚仔，我報稱失業都可以輕而易舉食公屋妹啦 父蔭大曬咖啦 但家陣人地家長住康樂園wor，冇幾千萬點入住呀？我驚我一話我住廣福道私樓，會俾永芹爹地媽咪笑鳩我如同訓街咋 再計算下條數先，拿，我爹地媽咪鄉下有層樓，我爺爺嫲嫲有層樓，我姑姐有層樓，我表姐住英國，我表哥住美國，成個家族總資產曬出黎，夠抗衡康樂園啦掛。




人地龍頭曬馬可以成個字頭擺曬出黎，我成個家族搬曬出黎，為咗唔俾人睇死，可以去到幾盡？


至於我職業，我咪話我係義工lor，義工，咁我真係義工wor，只不過殘聯會出糧俾我咋嘛，義工聽落去既正氣凜然，又體面，代表我愛世界我愛世人，係一個大愛撚。


我諗如果上述CV都唔夠拎返個自尊，我咪索性報埋我爹地媽咪銀行應該仲有少少錢既。

大佬呀，正常人係得咁多咖啦 你估我馬雲咩




林雅輝，定d黎呀，晚飯唔使食，唔使驚伯母突然收齊白切雞同蒸魚，我今次最多係俾人恥笑，唔使餓住返出去，兜踎地食碗牛雜麵。


萬無一失啦今次，諗下先，仲有冇野漏？啊，學歷，咁我都假假地都係某大專學生黎，即係大學生啦，掂啦今次

明明到咗芹芹屋企門口，我都仲唔入，諗緊陣間面試仲有冇甩漏，唔會俾幾個彪形大漢拖出黎咖




於是我即時FF


見康樂園家長既刑罰

我答：「公屋撚…… 罪名」：癩蛤蟆食吃天鵝肉。 判罰：即時槍決。

我答：「公屋撚但月入3萬。」罪名：冇料扮代表，掩飾自己死窮鬼身份。 判罰：凌遲處死。

我答：「居屋撚……但月入1萬。」 罪名：冇鬥志，買得居屋點解唔借錢買埋私樓。判罰：切賓周以後冇得溝女。

我答：「居屋撚但月入都有3萬。」」罪名：人工太低，有錢人既世界3萬蚊等同去廁所拎黎抆屎咋。判罰：各大手腳五十大板。

我答：「私樓+義工。」 罪名：自己都咁窮仲妄想拯救世界，不切實際 。 判罰：剔眉毛。



我答：「我全家總資產大於康樂園。」罪名：唔夠多。判罰：咪同我家女兒見面。




我諗，我頂盡到時再用誠意搭夠，斷估唔會即刻ban鳩我掛。



永芹：「雅輝，我地係咪到咗啦，企咗喺度幾分鐘啦。 」

係wor，到咗人地屋企，仲諗乜鳩，入去啦醒目

一入豪門深似海，按按門鐘也驚呆。裝潢使唔使咁靚呀，成個門都金色肯定係純金啦，d瓷磚我一睇就知道從西西里島空運過黎咖啦……有個外傭出黎開門，見到我，你眼望我眼，咦，同頭先見個個好似唔似樣既，一定係幾個外傭啦，大家庭黎。



我去過錦繡花園，我真係去過，因為我媽咪既阿姨就係住錦繡花園，我以前成日去 錦繡花園獨立屋門口有個細花園，同養魚池，入到去唔算好大，但樓上既房間就可以好大


康樂園，一個獨立屋，我諗真係等於錦繡花園2-3間獨立屋，真係好大，入面個條長廊都可以玩滑板來回啦

扶住永芹，行入客廳，見到兩位一睇就知道係知識份子既叔叔阿姨坐喺度，佢地都好親切咁望住我笑。

俾我感覺，佢地真係好nice，nice到會親自上前迎接我地，我唔敢嗌世伯同伯母怕自己冇料扮熟絡，臨急臨忙就改口叫啊叔叔阿姨好，而佢地都好友善咁招呼我坐低飲茶。

咦，未響朵，已經賺咗杯茶飲，好既開始。


敵不動我不動，我唯有做鵪鶉，其實個心緊張到撲通撲通咁跳。等佢地問我如同等判刑咁，我唯有微笑應對。




芹爹地：「年輕人，唔使咁拘謹，飲茶啦 」

芹芹媽咪：「食d糕點啦，唔使客氣 」


如果言語可以呃到人，咁表情唔會呃到人啦掛，眼前呢兩位朋友好親切wor，一d架子都冇，一d都冇。

忽然諗起食神入面既對白：「其實我都係好人黎既。」都係唔好鬆懈，談笑之間可能就一句收鳩我皮。


我：「好好，唔該。」

芹芹：「雅輝，我上去房間換衫先，你坐陣先，我陣間落黎。」呢個時候外傭就過黎扶芹芹走。

我：「好。」




而我盡量扮君子，挺直背脊，一定唔會玩電話，盡量俾個好印象俾佢地。


說好既查家宅呢起我底呢，竟然冇發生，芹芹爹地媽咪只係我問起我地今日去邊度玩，玩過d咩，叫我多d黎搵芹芹。


嘩，芹芹唔喺隔離佢地都冇問我屋企總資產 難道越有錢越唔介意人地有冇錢？ 思想真開通，係我枉作小人啦掛。