「手天使的愛情」幫人洩慾，竟愛上盲女。: 40；入永芹房間傾計。

當經歷過右眼弱視，家人為自己頻撲既日子，我發覺我好愧疚。曾經俾醫生老點弱視可以醫，結果挨到成年先發覺係夢醒時份。咁多年用力堆砌既夢，幻想自己好返 睇到清呢個世界係幾幸福，結果都係睇唔返。唔知係咪右眼關係會影響身體其他器官，我右耳係好離奇地自動變差，即係話我用耳機聽一首歌曲，明顯覺得右耳聽到 既聲音好微弱，可有可無咁，而又係集中曬用左耳聽。

我唔咁爆呢單野俾我爹地媽咪聽。費事佢地又擔心我，因為我右眼，屋企人已經擔心咗我10幾年，係我一直安慰佢地我搞得掂，笑住去迎接，屋企人先冇咁擔心。

通常屋企有個殘疾人士，殘疾個位朋友反而樂觀好多，係屋企人會好擔心好牽掛，而好多殘疾人士反而話勸喻返屋企莫擔心。如果殘疾人都選擇消極面對呢個世界，屋企人又消極，消極+消極，呢場仗仲點打落去。

我諗我既殘疾係我可以handle到，當然我都唔想再去醫院check到自己右耳係咩事，因為我都唔想再受到打擊。俾人hurt過一次，唔想再俾人hurt第二次，右耳唔係完全聽唔到，只不過差啫。

我成日喺度諗，好多人斷手斷腳個d咪仲慘，自己都照顧唔到自己。又或者有d天生要訓喺張床既朋友，個d先叫慘。




眼睛得一隻正常，可以理解為，呢個世界咁多負面野，有時候睇野一半清楚，一半模糊，未嘗唔係好事黎。聽野都係，聽得越少，可能人地講是非我都聽唔到，煩惱自然少d。

我記得有人講過，半杯水，可以理解為好彩仲有半杯水，而唔一定要理解為唉點解得返半杯水。

我殘疾啫，咁我都仲有一隻眼一隻耳仔係正常，恩賜黎咖喇 感激上天


所以我見到永芹對眼睇唔到野，都咁樂觀做人，我真係戥佢感到開心。




我：「永芹呀，我打算呢，每日講個故事俾你聽。每日臨訓前講故事俾你聽 」


永芹：「好呀，但係，你點解會忽然有呢個諗法。」

我：「冇，我諗住我口才咁好，冇理由嘥咗佢，每日用文字翻譯一個MV內容俾你聽，我諗你實鐘意既。 」

永芹：「嘩，我都好耐冇聽故仔，對上一次我諗應該係細個聽童話故事。」



我：「文字翻譯MV，掂啦，即刻有靈感。 」

永芹：「哈哈，你講啦。 」


我：「從前有對同父異母既姊妹，一個叫Taylor Swift ，一個叫Taylor Sweet，咁佢地今日同時愛上學校既橄欖球隊男神Adam。而呢對姊妹不嬲關係都唔好，話就話係同父異母，其實分開住，老豆係偏愛Taylor Sweet同佢媽咪，而Taylor Swift同Admin就同住學校宿舍，唔同室，但房間窗口對住，每晚佢地都會透過寫紙仔黎傾計。日常大小事，都會透過紙仔黎交流。




後尾Swift知道咗家姐Sweet同Adam拍拖，心情好低落，而家姐多次喺swift面前宣示對男朋友既主權，又攬又錫，完全當Swift冇到。

而一次學校橄欖球大賽，Adam率領球隊大獲全勝，身為啦啦隊既Sweet竟然鐘意咗第二個橄欖球隊長兼飛咗Adam，呢件事情令Adam非常唔開心，身為管弦樂手既Swift都睇在眼裡，對家姐所作所為好耐。




而學校舞會，Adam就主動約Swift出黎做佢跳舞partner，但Swift卻喺紙條上寫下我要溫書退卻咗。Adam話希望佢會黎啦。


而舞會開始咗，Swift果然著到靚靚公主裙赴約，Adam見到佢梗係好開心，而Swift終於鼓起勇氣，拎出張寫住「I Love You」既紙仔向Adam表白。而最浪漫既係，Adam都係身上拎出一張寫住「I Love You」既紙仔，交俾Swift。兩人開心地攬埋一齊 」


永芹：「Taylor Swift邊首歌黎咖？咁浪漫既 」


我：「You Belong With Me 」

永芹：「唱俾我聽 」

我：「唱唔係問題，我都學男主角咁，寫咗好多句我愛你俾你 而我地第一次出黎散步個晚，我仲畫咗你，雖然我畫得好差，但我用咗成晚畫咖喇，我想送俾你，你可以擺喺銀包度。 」




我從我銀包到拎出個一張素描，交到永芹手上。




我：「雖然我畫得好差，但我真係盡咗力，希望你知道我心意。 」


永芹：「我會好好收藏好 」

我：「

……



Can't you see that I'm the one who understands you
Been here all along
So why can't you see
You belong with me
Standing by and waiting at your back door
All this time
How could you not know
Baby you belong with me
You belong with me
You belong with me
Have you ever thought just maybe
you belong with me
You belong with me...
……



」


我：「You Belong With Me，I Belong With you 」

永芹：「你送幅畫俾我，咁我送返條頭巾俾你 」芹芹除下綁住頭髮既可愛小頭巾 我即刻歡喜地接過。

我：「算唔算係定情信物？ 」

永芹：「係掛，唔知呢。」

我：「我見古代d女仔送肚兜，底褲，手飾，或者頭髮俾心儀對象。你會唔會有底褲整條黎？ 」

永芹：「古代邊度黎底褲 」

我：「咁你整條黎俾我收藏下得唔得先？ 」

永芹：「0靚仔，你係咪玩野呀？哈哈。」

我：「我驚拎完條底褲，走返屋企，會俾差佬拉 好想試下入差館唱歌係咩滋味 」

永芹：「救命呀，笑死人咩 」

我：「夜啦，我返屋企啦，聽日返早呀。 」

永芹：「咁早 」

我：「不如我嫁俾你好冇？以後陪你一齊住喺呢度 」

永芹：「唔係娶咩？」

我：「是但啦，只要住到康樂園，入贅我都冇所謂。今天我要嫁給你啦，今天我要嫁給你啦……」

永芹：「要你照顧我一生一世，好辛苦咖 」

我：「有外傭wor，我每日陪你四周圍行街，夜晚返黎訓，係呢，泳池係邊度呀？ 」

永芹：「你行去窗口望下，就見到 」

果然，望落去，就係一個泳池 康樂園真係霸氣外露


：「好啦。好多謝你俾我難忘既一天 」

我：「唔好咁肉麻好冇？不要迷戀哥，哥只是傳說 」

永芹：「唔好唔記得星期日黎搵我。」

我：「星期六得唔得？等唔切 」

永芹：「不如聽日啦，等唔切 」

我：「踢晚約咗人踢波呀 」

永芹：「車 」

我：「小別勝新婚呀，哈哈，我走啦，你乖乖地喺度。」

永芹：「你挨個耳仔過黎，我講個秘密俾你聽。」


秘密？咩秘密呀，於是我挨埋去，永芹突然錫咗我一啖。

我：「多謝曬 」

和永芹道別後，落樓逐一同佢屋企人道別，Vincent都話揸車送我返去，我話唔使啦。


逞強既代價就係，我出到門，竟然喺康樂園蕩失路，識黎，但唔識出去，真係印證我係宇宙無敵on9仔呢個事實。

最後摸咗半粒鐘先摸到出去。