「手天使的愛情」幫人洩慾，竟愛上盲女。: 37；第一次打茄輪。

我：「我個心仲跳得好快。」好彩我叻叻豬，識得喺茄輪漩渦中搵到暫停，否則我都驚咀到唔捨得返屋企。

永芹：「我都係。」

我輕輕扶起永芹隻手，放到我心口前。

我：「我諗心跳得咁快既原因唔只係因為kiss，而係因為你。」

永芹：「跳得好快下。 」



我：「對上一個女性錫我，已經係好耐以前lu，但從未有呢種感覺，心跳得快，面紅耳熱，成身都雀躍，好想跳落大海降溫。」

永芹：「你女朋友？」

我：「我媽咪 」

永芹：「哈哈，咁點同？」

我：「我未測過女仔心跳，可否俾我測下，到底係咩感覺？」



永芹：「嗯。」

於是我就用手擺落永芹心口前，果然係跳得好快。

我：「咦，好得意呀 好好feel 」

永芹：「好得意？hahahahahaha，你講野永遠係咁得意。」

我：「我諗對白係專屬為你而創作，你既係我最大既靈感，亦係我唯一既fans。」



永芹：「知道啦 」

我同永芹，互相將手擺喺對方心口，都唔捨得拎開，畫面童真得黎又幾浪漫，浪漫得黎又幾有趣，有趣得黎又好似有一種情定今生幾feel。


我：「咁係咪決定咗俾我做你支專屬盲公竹先 」

永芹：「你好傻 有男朋友唔做，走去做盲公竹。」

我：「我條女係永芹 如果我企喺彌敦道大嗌呢呢句說話，會唔會閃死路人甲乙丙丁？」

永芹：「閃係咪意思？」

我：「即係d人羨慕我，甚至妒忌我，因為我曬幸福。 」



永芹： 「d人會笑你傻 」

我：「登登登，登登登……你知唔知係咩歌黎。」

永芹：「嘩，咁短，點知 」

我：「一二三 牽著手 四五六 抬起頭 七八九 我們私奔到月球 讓雙腳 去騰空 讓我們 去感受 那無憂的真空 那月色純真的感動。」

我：「呢個世界得我同你，唔使理其他人點睇，唔好擔心我會俾人睇。 」

再次情不自禁，緊緊攬住永芹。


攬人原來都咁舒服，以後真係要多d攬攬，舒服都唔想放開。



永芹：「雅輝，我知道你兩個秘密 」

我：「我發誓，我只係鐘意你一個，我冇收埋其他女仔，我冇。」

永芹：「哈哈，乖啦，又玩野。」

我：「sorry，琴晚我去完廁所唔記得沖水。 」

永芹：「人地係話你，原來戴眼鏡，同埋鬚根未剃乾淨 」

我：「哦，嚇死人咩，嚇到我心離一離，我仲以為你知道咗我係前伊拉克大佬薩達姆既遠房親戚添 」

永芹：「雅輝！」

我：「永芹！點解你知道我戴眼鏡？同埋冇剔趕緊鬚根咖？」



永芹：「我feel到咖嘛，下次錫錫之前要除眼鏡呀，撞咗我幾次 」

我：「痛唔痛？sorry呀，錫錫技巧太粗暴，梗係啦，你咁好錫，咀唇又香滑……」

永芹：「又兜個圈讃我呀？成日都氹到人心花怒放既。」

我：「咁你送你返屋企啦，驚你得糖尿病呀，今日甜咗你咁耐 」

永芹：「唔攬攬啦，行返出去搭的士啦。」

我：「唔做幸福既小螞蟻啦？唔食甜蜜蜜既說話啦？」

永芹：「都出咗黎一陣啦，係時候返屋企啦，順便，你見下我爹地媽咪呀嘛。」




當堂嚇一嚇，我等小毒撚，對住熟人先把口浪過油，一見到d陌生人好易緊張到唔識講野。

我：「不如下次先啦 」

永芹：「坐下啫，其實上次我爹地已經想見你，仲有呀，我媽咪成日問我同邊個咁夜傾電話 」

我：「咁既情況……咁，er……返到去先講啦 」


危機意識不嬲出眾既我，即場諗定陣間點講野。


老撚土對白：「HI，世伯伯母，我叫林雅輝。」

扮親切：「世伯伯母，永芹今日好開心，呵呵，以後我多d帶佢出街，好冇？」

古惑仔版：「家陣邊個唔識我廣福道奔雷虎——雷耀揚？你兩位邊位呀，家陣盤我呀？」

比卡超版：「B+ B+ ,超！」

王家衛版本：「櫻花只開一季，真愛只有一次。如果只是寂寞，我不會找永芹。」

……

仲喺度胡思亂想d乜，諗下陣間俾人問起職業點答好過啦，見家長不嬲唔需要諗對白，諗掂答咋嘛

我當然唔會同永芹講，我地今日夜遊海濱公園，行過有幾多對異樣既眼神，有人好似發現新大陸咁，有人細細聲係度議論我地，有人甚至拎起死人電話影鳩我地，換轉 以前我會好介意，但係今次，永芹係我身邊，我盡量平伏自己心情，如果我都咁介意，我仲點照亮永芹黑暗既世界？睇唔到野啫，唔代表唔可以散步，唔代表唔可以 出黎呼吸緊新鮮空氣，唔代表唔可以正常同人談情說愛攬攬錫錫。點解呢個社會硬係要覺得殘疾人做任何野都新奇，難道殘疾人唔係人？

我：「永芹，慢慢行呀，你做乜好似好雀躍咁拉住我行 」

永芹：「早d返去，帶你入我房間睇下呀嘛，睇下我訓既地方。仲有泳池呀。」

我都唔知係感動好，定讃佢純真好。知道啦，傻妹


行出去少少，截到的士，我反而嬲到核爆，我慢慢扶永芹上車，我又驚佢撞到頭仔，又驚佢撞到腳，每一步慢慢黎確保佢唔好撞到，既然係咁，上車時間自然耐d。咁個個的士佬好似趕住去出殯咁，不耐煩既表情擺曬出黎。我幾想即刻落車，但又唔想驚動永芹，好啦我忍個仆街啦。

的士寸王：「去邊度？」

我：「康樂園。」

我講完康樂園三個字，個位寸王既語氣同表情，好似我捉佢老婆去中東做雞咁，難睇到呀，轉個燈位遇著紅燈，就好似我拎手榴彈炸鳩埋佢屋企咁。

的士寸王：「咁近就搭巴士啦。」條撚樣黎個對住call台講野，典型指桑罵槐，仆街呀。

我忍你，我一方面繼續同永芹傾計，一方面聽撚住個仆街講野。


如果唔係永芹喺度，我呢d毒撚都唔想忍啦，嫌車程短冇肉食，咁你咪繞住康樂園兜十個圈lor 家陣冇錢俾你執藥食咩你老母。

我忍，永芹喺度，我忍。

點知個個的士寸王，短短一段車程，不耐煩咗十幾次，嗻咗十幾次 （唔知係咪呢個嗻字，香港人最鐘意用既詞語之一）

好彩我用傾計方式轉移永芹聽力，我真係唔想佢feel到的士佬既煩躁心情。

個個的士佬，我真係好想約佢出黎廣福道，隻揪


好彩，個個寸王都冇亂揸車搞到交通事故，總算安全到埠，我成張一百蚊飛過去。

我：「唔（撚）駛找啦，多（撚）謝曬！（屌你老母）」


然後先落車，再扶芹芹落車。


我俾100蚊唔係因為我豪氣

而係因為我想再聽到個個寸王喺度吠，俾芹芹聽到d令人唔開心既說話

100蚊我唔係俾唔起