港大七不思議食女事件: 27. 錯誤

27. 錯誤
 
晨鐘已盡，曉色迷濛。
 
我訓緊嘅地方好硬，令背肌極為痛楚，先發覺自己訓咗喺浮木碼頭之上，以天為被地為廬。我下身一片清涼，玄鐵重劍變白銀鞭，喺牛仔褲入被人拔咗出嚟，絲濕納納，曝露於空氣之中，任由海風吹拂。
 
訓喺我心口嘅，唔係短髮嘅牧子，而係長髮嘅?模阿Yan。阿Yan嘅黑色T-Back，則褪咗落白滑嘅大脾。
 
「點解我地會喺到架？」
 




「你尋日喺御龍山飲到Wing晒，無啦啦拖住我話『老夫帶你去划艇』，就拉住咗我，爬咗入嚟划艇會。」
 
「跟住呢？」
 
「唔知呀，我淨係記得同你喺浮木碼頭扑咗幾獲咋。」
 
人類總係要犯同樣錯誤，我又想起Wilson。聽完呢句，我嚇到鳩縮，頓時酒醒，一嘢推開佢，差啲轟咗佢落城門河。然後，我好似「古惑仔之人在江湖」入面嘅陳浩南扑咗山雞條女一樣，拉番褲鏈，起身就走。
 
「喂，你去邊呀，你搞完嘢就想走呀？」
 




「屌，頭痛返屋企呀！聽住呀，尋晚嘅事唔好同人講呀！」
 
「我冇見過呢男人好似你咁Cheap架！」
 
我毫不理會阿Yan嘅咒罵，一路行咗上火車站。我淨係知道我咩都唔想理，只想返屋企。
 
我喺火車上面，如果唔係摸到自己一對鐵球輕咗幾分，真係完全唔知我砌咗阿Yan幾獲。飲到咁醉，我都係第一次。我同野狼由細識到大，已經當咗佢同Raymond係我親生兄弟。我今次屌咗佢條女，令佢戴多次綠帽，真不知如好是好。
 
「喂屌柒你，我啱啱同條女經過葡京沙圈，見到啲雞好似馬咁兜嚟兜去，雞多過人，幾十對波蕩吓蕩吓，好撚柒過癮呀兄弟！Marvin，下次Grad trip我地一齊去，如果我贏咗錢，請你叫雞又點話？」一開電話，就見到野狼Whatsapp我。
 




喺野狼老豆未暴發之前，佢同我一樣，都住喺華富邨。細個一齊落街打波，我年少氣盛，得罪咗啲飛仔，被人吹雞圍住；當其他撚樣第一時間走佬，但野狼並無棄我於不顧。我地被飛仔追到割須棄袍，走咗好幾條街，但最尾都好彩冇事。當日伊始，我就認定佢係我嘅兄弟，然而，我醉生夢死，一個唔小心，砌咗佢條女，相比起野狼想叫雞之餘，都並未忘記我，令我覺得自己更加仆街。
 
 乘火車時，電話猛然掙扎，又響又震。
 
「你扑咗我想就咁算，好難喇。尋日你冇戴套，都唔知你有冇射喺我入面。」
 
「阿邦你喺邊？打咗咁多個電話都冇人聽，你係咪有事？我打咗去你屋企，你阿媽話你出咗街冇返過嚟。我好擔心你，快啲回我。」
 
「Marvin你個撚樣尋晚去咗邊？食咗邊條女？我尋日掛住搞Yvonne，喺間屋搞到Wing晒，你快啲出包膠啦！」
 
「撚樣！一夜夫妻百夜恩呀！你唔理我，我實同野狼講話你強姦我呀仆街！」
 
「阿邦，今日係我地拍拖紀念日，我喺Raymond間屋準備咗禮物等你，份禮好重，我唔可以拎出街架，我喺屋企等你返嚟呀。」
 
「Online都唔應機，你仆街啦！」




 
「喂，兄弟，下個星期維園踢波，去唔去？」
 
好撚煩。身為浪子，我真係唔想理，所以我決定，將電話較做飛航模式，直接返屋企訓覺。
 
星期日黃昏，半睡半醒之間，我感覺塊面一陣灼熱，原來係我阿媽一嘢轟落嚟，打咗我一巴：「死仔，起身食飯喇。」
 
「呢排成日唔出聲，仔，係咪唔開心呀？你同上次帶番嚟食飯嗰個短髮女仔，阿咩子話？唔係好地地咩？」老母挾咗舊雞胸落我個碗，問起佢新抱仔牧子。
 
「我同佢好好，尋日玩夜咗，有啲累啫。」
 
「好心你有女就唔好出去搞搞震，人地牧子對你幾痴心，第一次上我地屋企，仲識自動自覺買半邊燒鴨上嚟，又對你千依百順，唔駛你管接管送，早餐都買埋畀你食，你仲想點？」
 
「唔係呀，媽……」
 




「呢啲女仔你搵唔番架喇。牧子都幾靚女吖，你阿媽後生短頭髮，都同佢差唔多咋，但係最衰嫁咗畀你老豆囉。」
 
一次，牧子央求要上我屋企食飯。驗貨之後，阿媽對牧子讚口不絕，每次食飯，都向我灌輸牧子有幾好有幾好。
 
「死仔，你唔好又亂咁飛啲女呀！我唔想又畀人問候呀！」
 
每次撇女，我只不過係想過屬於自己嘅生活，掌握自己生命。當出身同際遇都唔到我揀，點解連我對愛情嘅自由都要一併遭剝削？於是，牧子對我嘅愛越深，想將我捲入愛情海溝，我就越想拚命向上游，喺溺斃之前，將頭露出海面，呼吸新鮮空氣。
 
「得喇，食飯啦好嘛？」
 
食完飯，我鼓起勇氣，開番部電話，終於打咗畀牧子。