港大七不思議食女事件: 26. 大亨
26. 大亨
「喂，今個星期六，我喺御龍山間屋搞Party，叫咗一堆?模，個個Instagram都幾千人Follow，都叫做拍過吓雜誌廣告，有幾個我同野狼同食過架喇。讀書辛苦，整番個開Sem飯都要嘅，係兄弟就唔好推呀嗱，屌你地個咀。」
「唉，屌，我嗰日約咗我第三條女過澳門玩，你地玩撚飽佢啦，下次先預我。」野狼風流，更勝於我，要是佢出手，寫嘅會係《十五不思議被女食事件》。
「星期日係我同牧子嘅拍拖紀念日。我驚同你班撚樣玩到天昏地暗，唉你畀我諗吓，乖。」
我面對淫亂派對呢個毒蘋果，諗起痴心嘅牧子，實在唔知道，應唔應該一嘢咬落去。
「
I
L
O
V
E
Y
O
U
M
A
R
V
I
N
.
」
另一邊廂，牧子將原本只有十四個字母嘅短訊，分開十四次，逐粒逐粒Send畀我。呢十四隻字母，從Iphone內爬出嚟，變成食鬼追趕住我，要將我吞噬。電話震動，令檯面「喀喀」之聲不絕於耳。
損友淫心不收，電話震動不止。
「開Party，出身汗啫，去就去囉。」猶豫之間，我Send咗whatspp過去「HKU Wolfback」呢個Group到。
星期六，派對日。
Raymond位於火炭御龍山淫宮極盡奢華，地板放滿土豪金為主嘅傢俱；金黃吊燈映照，令巨廳彷如白晝。佢打起煲呔，著起豔紅色西褲，襯白暗紋恤衫，唔睇個樣同埋大肚腩，群狐擁簇烘托佢主人家嘅氣勢，倒有幾分《大亨小傳》入面Gatsby嘅影子。
只要Raymond呢啲級數嘅公子哥兒一吹雞，雞，唔係，?模就好似魚塘錦鯉見到麵包一樣，自自然然游埋嚟。長腿、大波，厚妝、大眼仔同假眼睫毛，喺Raymond嘅淫宮拎住酒，恰如沙圈嘅馬一樣反覆兜圈。長腿?模拎個電話出嚟自拍，咗照右照，好似用倒後鏡偷望我一樣，同我眼神相觸，又擰轉頭去。我諗古時皇帝選妃，大紅燈籠高高掛，心情同我而家都差唔多。
但係今晚，我心入面，始終都係有牧子。我真係諗住嚟飲吓酒，聽吓音樂，出身汗，如果唔係，以我搶疆嘅性格，一早抄好牌，Mark一兩件囡囡，來忘掉過去，來淫亂派對。
當Raymond同佢嘅朋友已經飲到醉晒，一邊灌緊?模飲酒，一邊掀起佢短無可短嘅迷你裙恣意抽水，我行去發水露台，望住一彎新月，手握啤酒，憑倚欄杆，思念牧子。我打開電話，見佢最後上線時間停於三個鐘頭之前，不禁一聲長嘆。
驀地，我聞風辨影，聽到腳步聲從背後傳來。我未及擰轉頭，有個女仔喺我後面「嘩」一聲，嚇到我將四分一枝啤酒倒咗落地，另外四分一枝，倒咗落我褲檔，正式一褲都係。
「喂，同你玩吓咋，等我幫你抹番。」?模有些許酒意，彎腰露出北半球，用佢玉蔥般嘅手指，試圖去抹乾我大脾內側。
「唔駛喇，自己嚟得喇。」我一見佢直到好似整過容咁嘅鼻樑，自自然然咁掃開咗佢隻手。
「大家玩得咁開心，你做咩喺一便做自閉仔唉聲嘆氣？我係野狼個女朋友，叫阿Yan呀。」條條?模個樣都差唔多，再加上佢地影相，永遠聚焦自己對波，難怪我一時三刻，無法認得出呢位阿Yan係野狼嘅阿二。
阿Yan，呢個九十年代末，千禧年代初MK妹必備嘅英文名，估唔到喺2013年嘅香港，仲有囡囡用緊。我從來都唔會笑人地改咩英文名，正如《大亨小傳》入面有一句，係咁講嘅："Whenever you feel like criticizing anyone, just remember that all the people in this world haven't had the advantages that you've had[1].”受良好教育，能分辨美醜，並唔係理所當然。故此，我絕對唔會睇唔起呢個?模阿Yan，就好似我唔會睇唔起視本書為尋常咸故嘅讀者一樣。
「Hi，我係Marvin，野狼啲大學同學。」自從上次唔小心搞咗Elaine，冇咗Wilson呢位好朋友後，我對朋友妻均退避三舍，猶如守禮君子。
「即係Kong U？你好叻呀！野狼唔係到，不如你陪我玩吖！」阿Yan捉住我，去酒櫃開枝白蘭地，話要同我猜枚對飲。我心裡掛住牧子，再加上佢係野狼條女，開頭諗住敷衍飲一兩杯，點知飲多兩杯，手腳遲緩，越輸越多，酒入愁腸，難以自拔，靈魂飄蕩，不知所蹤。
我見到醉醺醺嘅中年男子，拎住雞毛掃，施展起黃沙萬里鞭法，好似開無雙咁，大鞭大鞭打落牧子同佢個妹嗰到。牧子走呀走，走呀走，彷如我以前成日發夢見到Elaine咁大叫：「阿邦！阿邦！」。
驟然，牧子個樣變咗韓妹允雅，走到去港大文學院荷花池，拎住臨上機之前嘅相架，話要再喺番埋一齊，問我好唔好，我話我有女朋友，允雅唔理我，仲一嘢轟落嚟。轟吓轟吓，允雅個樣變咗賓妹，我好嬲，叫賓妹畀番牧子同允雅我，一嘢推咗賓妹落荷花池邊，掀起佢條裙，一路抽插，一路鬧柒佢。
恰鳩我，恰鳩我......
砌砌吓，荷花池邊，我見到我阿媽拖住山大，同我講，唔好再屌賓妹喇，今個月你洗咗好多錢喇，再屌你就要畀錢人地架喇，你今個月冇乜錢淨架喇，補咗習未呀，你畢業未呀，搵咗工未呀，見邊份工呀，份工幾多人爭呀，考試考成點呀。
一堆工蜂從我嘅前腦飛去後腦。頭痛欲裂。我酒醒了。 [1]中譯為「每當你想批評某某之時，只要記住，世上並非人人都有你所擁之優勢。」