我係迪士尼俾一班邪惡既卡通人物襲擊: ＃18

「外面的聲音好像很大。」外面門口嗰個白衣武士講道。
 
「對欸，快出外面看看。」入面既白武士聞言，就一堆人走左出去。
 
我同Yuki即刻縮埋一舊，希望唔好俾佢地見到。幾個白衣武士由兩排行過，咁岩無見到係中間既我地。
 
待佢地走左之後，雖然唔知發生咩事，但我同Yuki都鬆左口氣。
 
過左一陣，外面既吵雜聲不曾間斷，令我地都好奇起上黎。經過呢半日黎，我同Yuki已經懂既用眼黎溝通，一個眼神就明白了。
 




我同Yuki慢慢行返出去，先知原來出面發生緊咁大件事！
 
係一班人同緊黑武士、白衣武士，米奇老鼠等對抗。係佢地既背後，仍然有好幾個屍體，躺係血泊當中。
 
呢一班反抗人士，手執木棍同鐵條，鐵條真係好幼。
 
從佢地既衣著黎講，我估係旅客黎。
 
「搞咩呀…？」Yuki用力咁拖住我隻手，我知佢叫緊我。
 




「我都唔知呀，搞唔清楚發生咩事…」我呆左咁企係度，睇住佢地反抗。
 
「呀！係呀朗呀！」我沿住Yuki指既方向。
 
「詩欣！！呀朗！！」我大嗌。估唔到會係呢啲場合見返佢地。
 
佢地都聽到我嗌佢地，紛紛望過黎。確定左係我地之後，就放低左手上既武器，然後跑過黎我地呢度。
 
佢地跑過黎既途中，詩欣大叫：「小心呀！！！」
 




話口未完，我身旁既Yuki已經俾一個身材槐梧既白衣武士捉起左，被人摀住左個咀，只能發出「嗯…唔…嗯」既聲音。
 
「嘻嘻，捉到你了！」白衣武白道。
 
未等到詩欣佢地趕黎，個白衣武士已經想拖住在Yuki走。
 
「喂！咪走呀！」我點會俾佢帶走Yuki。我拉住佢攬住Yuki既咸豬手，係咁用力扯。
 
「走開！」佢一手甩開左我，比力量我真係輸左成條街。
 
然後佢另一隻手抱起左Yuki，往岩先個司令台行去……
 
我見到Yuki死命咁掙扎，但徒勞無功，用悽楚既眼神望住我。我知，佢既眼神係同我講，叫我救佢。
 
「呀！！！」我大喝一聲，如虎般飛撲上去。




 
我既戰略係將白衣武士推倒，等呀朗黎到幫手帶Yuki走。
 
我用力盡住佢最難發力既頭部，用埋我衝上黎既嗰一道力，成功將白衣武士推跌左。
 
但Yuki因此飛左出去，碌左好幾個圈。