我係迪士尼俾一班邪惡既卡通人物襲擊: ＃19

Yuki成個人飛左出去，白衣武士想過嚟繼續搶走Yuki，但俾啱啱嚟到既呀朗一手制服住。
 
有身型果然係有身型，同我相比真係差好幾皮。
 
我趁呢個時間去睇下Yuki有無事，我輕輕一推Yuki。
 
無反應──
 
──再推
 




都係無反應。
 
唔係掛？係呢個槍林彈雨下既情況暈低？
 
「快啲抱走Yuki啦！」李詩欣係後面叫。
 
因為前排既士兵差唔多殺到埋身，其他遊客開始招駕唔住，紛紛往後退。
 
砰！
 




有人應聲而倒，眾人望住背後開槍嗰個。
 
──唐老鴨
 
我背起左Yuki，完全唔敢郁，其他人如是。生怕第二槍會就咁打落黎，原來我以為佢地無槍，要用呢啲古代兵器，但原來中國已經開始先進。
 
唐老鴨用天開了一槍，無子彈……
 
「咔嚓。」射唔出去。
 




「哇！」我地一連二三十人向森林既方向衝過去，我唔知嗰度有無危險，但依家唔走，留係度都係死路一條。一隻鴨有槍，姐係其他人都可能有槍啦？博唔過呀。
 
我見呀朗都拖住李詩欣跑過黎，有呀朗保護住細妹，無問題既。
 
係呢一個遼闊既廣場入面，老牛聲既廣播四起，我地猶如四面楚歌。
 
「嚴紅！嚴朗！你們不用躲了！我們一定會找到你們的！」
 
「明天12點之前，不把你們的東西交出來，這個迪士尼就會被移成一片荒漠……盡管逃吧哈哈哈哈！你們哪裡都逃不掉的！」
 
「記住……12點之前…12點之前…12點之…12點…」聲音越漸收細，白衣武士佢地都開始撒離。
 
待佢地走左之後，伴隨住我地既遊客返去睇倒下了既同伴。好多已經奄奄一息，甚至已經…
 
我地拖住疲累既身軀去森林入面前進，聽呀妹講，嗰度有佢地既秘密基地。




 
原來佢地係電話入面唔係俾衰人捉走左，只係俾呢班好心既遊客救起左。佢地連群結黨自己保護自己，先免於米奇老鼠既毒手。
 
「係呢…你地有無試過打電話出去求救？你嗰陣時唔係打過俾我咩？」我認真問李詩欣。
 
只見佢失望地搖搖頭，「無錯，我係打到俾你，但就打唔到俾出面既人。」
 
「換言之，我地可以係樂園入面用電話聯絡，但就係聯絡唔到出面。可能班卡通人物都係咁樣用電話聯絡呢…？」
 
頓時間我都唔知點做好，我只係想快啲出返去。
 
入到黎森林世界，泰山住既地方，無燈火，周圍只係漆黑一片。
 
我地唔敢用手機開電筒，生怕俾人發現，只好摸黑係入面行走，靠著月亮微弱既光芒黎照明。
 




我地行到嗰一棵大樹下，泰山住既樹。
 
「我地暫時匿埋係嗰個位，用啲樹葉擋住前面，等人地難搵我地。」李詩欣解釋。
 
呀朗攬住詩欣，雖然睇唔清楚佢既表情，但都感覺到神色凝重，心事重重咁款。