我係迪士尼俾一班邪惡既卡通人物襲擊: ＃17

我不動聲色咁，當咩事都無發生咁繼續行。
越係扮無事，心跳就加速得越快。
 
如果依家突然殺出條友仔，要殺我既話，我一定反應唔黎。因為我將心神放左落兒女私情度。
 
係呢條漆黑既隧道入面，終於見到一絲絲既光線，我知我地離出口不遠了。
 
我慢慢行到出口前面，我先發現，大件事！
 
因為我臨靠近出口既時候，聽到出面有雜音，我沿住旁邊行，再伸個頭出去。




 
我見到一班白衣武士係出面間禮品店度徘徊……
 
今次既數量比起頭先，多出兩倍有多！
 
「咩事呀？」 Yuki細細係背後問我。
 
我唔知點同佢解釋，於是用行動話俾佢知。我同佢好輕力咁唔發出任何聲音，順利換位。
 
就算係呢個咁緊張既時候，我地都無鬆開過彼此既手。




 
即使唔講，我諗我地都清楚大家既心意。呢種盡在不言中既感覺，只好用奇妙黎到形容。
 
「點算呀？」 Yuki再一次細細問我。
 
「我諗緊。」
 
究竟要點樣先可以避開佢地既耳目呢？
 
我再仲個頭出去睇下有無咩野可以做掩護。我環顧四周，都諗唔到有咩好既方法。




 
我搔一搔頭， 唔知點算好。
 
「不…不如，」我望一望Yuki。
 
「不如我地用嗰啲大公仔做掩護，睇下可唔可以呃到佢地？」
 
「嗰啲巴斯光年大公仔？」
 
「係呀。」
 
呢個主意ok喔，因為啲大公仔只係離我地幾步既隔離。
 
都諗唔到其他方法，唯有聽下Yuki講，博一博啦。
 




「我數三聲之後就行動啦。」
 
Yuki點一點頭。
 
「三！」同時做個三既手勢。
 
「二！」
 
「一！」
 
我慢慢爬過去，為左唔好俾佢地發現，我地盡量唔發出任何聲音。
 
我地首先成功拎起個大巴斯光年既公仔，我地用黎擋係我前面，然後慢慢往出口既方法行。
 
到左呢啲時候，只好見步行步，執生架啦。




 
萬一發生咩事，我為Yuki犧牲係應該架啦。
 
「跟實我呀。」我係Yuki既耳邊輕聲講。
 
最邊邊既嗰一排無人看管，我地可以順利行到去門口嗰度。
 
當我地到既時候，先知道，門口係一個白衣武士把守住！