我係迪士尼俾一班邪惡既卡通人物襲擊: ＃9

意味住佢地係分頭行事，好明顯佢地搵緊既係我地。
 
俾我攬緊既yuki好明顯係好緊張，佢好用力咁合埋個口，仲好像閉埋氣咁。
 
佢白哲既皮膚變到紅卜卜咁，而且眼神閃閃縮縮咁，唔敢望我。
 
的確，依家既氣氛係幾微妙。如果依家唔係俾人追住既話，我真係想一野就嘴落佢個櫻桃小嘴度。
 
Yuki濕潤既嘴唇，可愛既臉龐，佢終於忍唔住望左過黎。
 




佢望住我，我都望住佢。此刻，外面有幾危險都唔關我事，眼入面只有佢。
 
依家唔錫落去仲係男人黎既！？我慢慢將自己既臉龐伸前，意圖亦都好明顯。
 
「這裡都沒有人，是不是跑去小鎮那邊？」一把粗獷既男人聲係我地上空傳黎。
 
佢用既語言，正正係中國人常用普通話。
 
我即刻停曬手，連呼吸都唔閉，我即刻用手鳴住yuki，然後我個頭擰返出去，睇下咩環境。
 




依家…我正係驚佢跳落黎，佢一跳落黎就出事啦。
 
我地係度等，時間過得好慢好慢，好慢長。一秒都可以過咁耐，一分鐘就好似過左成個鐘咁。依家根本唔可以分神，一陣有咩突發情況就要執生架啦。
 
我好清楚咁感覺到自己既心跳，我亦都知道佢跳得好快。
 
我知自己唔可以分神，但緊張卻令我個腦一片空白，唔知點做，無從入手。
 
「我剛剛看到一男一女在小鎮那邊。」係遠方傳黎一把女聲。
 




同樣都係用緊支那語言。
 
「登～鈴，登～鈴，登～鈴」我手機突然間超大聲咁響起上黎。
 
我即刻嚇親唔係講笑，yuki佢碌大隻眼望住我，眉頭深鎖。
 
唔洗佢講，我都知事情有幾大鑊。
 
咚～～～咚～～～
 
呢一把聲音由遠而近，直到又再次係我地頭上面停低。

「沒事，應該是有人把手機掉下去了。」佢大嗌。
 
「沒事就快點去追！」果把女聲下達命令。




 
「讓人知道的事就慘了！」
 
「是的是的。」
 
然後由零散既聲音開始集結係一齊，之後消失得無影無蹤。
 
好彩我岩先將部手機飛左出去個路軌果邊，先無起到疑心。
 
但我好心痛！果部機新買架……6S黎。
 
我默默咁望住部6S既屍體，然後都係要執返起佢。
 
然後炸炸林返去yuki果度。
 




Iphone果然係Iphone，爆mon就緊架啦，但都仲用到。
 
一睇，原來係呀妹打俾我。
 
「喂？做咩事？你呀哥差d俾你整死啦。」我好細聲咁講。
 
「係咪詩欣呀？」yuki 佢好著緊咁講。
 
我點一點頭，然後電話裡頭就傳黎一把喊聲。
 
「哥～～～～～快d黎救我呀！」呀妹佢嗌曬口咁講。
 
「做咩事呀？你依家係邊呀？呀哥好擔心你呀！」
 
雖然平時真係成日串黎串去，但心底裡其實都會錫佢既。只不過越大個越難將自己心底既說話講出口，轉而代之既係用行動表示。




 
我可以肯定咁講，如果佢有咩事，我係會飛身過去幫佢。
 
「我……我依家係胡迪果度呀～岩岩我…我差d俾人女女女呀。」佢嗚咽咁講，好明顯已經係喊到上氣不接下氣咁。
 
「下？俾邊個呀？！」我追問佢。