我係迪士尼俾一班邪惡既卡通人物襲擊: ＃8

後果真係諗都唔敢諗，我望一望隔黎既yuki，我係見到佢花容失色。
 
同岩岩冷漠既佢唔一樣，佢由無名既憤怒，轉怒為驚。
 
「點算呀……佢地指過黎，見到我地啦！」佢嚇到嘴唇都無曬血色，青曬。
 
我地又係on9既，有咩可能咁樣企係度睇先得架？應該蹲係度，露小小__頭黎睇架嘛，失策！
 
依家唔會有其他方法，就係走。
 




但係走去邊先得架？前後都有埋伏既，左右兩邊……
 
咪住！係喎，仲有左同右。
 
我靈機一捉，捉住yuki隻手，拉佢離開呢度。
 
佢愕然咁望住我，好似係問我，「去邊呀？」
 
「無時間同你解釋咁多。」我估到佢既心思，然後答佢。
 




我地出左架火車，向住車頭既方向跑；其實都唔知邊度係車頭，我地只係往最近車頭或者車尾既方向跑，所以我都唔知跑緊咩方向。
 
我地跨過數唔清既屍體同活死人，就算有人用微弱既聲音同我地講，「救…命呀，救…救我。」
 
我地都係直行直過，因為，依家恐懼已經蓋過左我地既憐憫之心。
 
我同yuki一齊行到盡頭，唔係生命既盡頭（雖然我都想既），行到火車既盡頭，然後我回頭望一望，眼見仲未有人追黎。

如果俾人見到，我都唔知可以跑去邊。





我用自己敏捷同埋型過劉德華既身手，一野就跳左落去。

心諗今次仲唔型俾yuki睇？

然後我轉身轉住去抱住yuki，但佢好似對我岩岩既動作視若無睹。

佢好似好心急咁想跳落黎，但又好似好驚咁。

「我好驚呀......」佢膽戰心驚，佢已經蹲低左架啦，但遲遲都唔敢跳落黎。

我最期待既句子出現啦！俾著你係男人，你會點答呢？

呢個moment緊係要十分之英氣咁講，「唔洗驚，有我係度。」

用好認真，壯嚴，嚴肅既語氣去講。好似結婚既時候咁就差唔多，斷估你唔會用講笑既語氣去講果句「我願意」掛？





如果係既話佢仲同你結婚，咁個女仔一定好愛你。

但現實中，咁樣講出黎係無咩效果，佢都係好驚。

「你閉埋眼，唔好望，唔好諗，就咁跳落黎啦，無事架，信我。」我安慰佢。

如果我咁樣叫人跳樓既話，條友應該會落返黎。

Yuki佢真係閉起對眼，諗都無諗就跳左落黎。

我都有d反應唔切，但好彩都接到佢。

但估唔到佢輕盈既身材，抱起上黎會咁重手。
 




我都唔諗住同佢呢個事實，但可惜我既表情出賣左我。
 
「做咩呀你？我好重咩？」佢有d激動咁講。
 
「噓！」我嗚住佢把口，示意佢唔好出聲。
 
我即刻抱住佢行入d個牆邊。落左黎火車路軌，有一個位可以俾我地藏身。
 
岩岩好夠我地可以匿入去，對上面就係火車月台。
 
我放低yuki，然後推yuki入牆角，保護佢為先，我係前面幫佢擋住。
 
我隻手攬住左佢條腰，其實我係專登既，呢個時候都唔輪到佢反抗啦，嘻嘻。
 
但我扮出嚴肅，不以為然既樣出黎，屏息靜氣。




 
過左無耐，我聽到火車月台上面有好零碎既腳步聲……
 
除左腳步聲之外，仲有武器既金屬聲，所以我好肯定係岩岩果班人。
 
但佢地既腳步聲好零碎，好分散。