我係迪士尼俾一班邪惡既卡通人物襲擊: ＃2

都有人同我地坐同一架列車既，但真係好少人。
 
行緊迪士尼果條徑度，仲未去到售票處，我已經聽到d好歡樂既聲音，就係迪士尼樂園果d主題曲。
 
目的就係要營造出好開心，好歡樂既氣氛，等人去玩既時候好開心。
 
一個充滿童真，童話色彩既世界。
 
「朗朗，你覺唔覺得聽到d音樂好開心，好興奮呀？」我個妹好活潑咁講。
 




「係得你先興奮架炸。」我忍唔住要串佢。
 
然後李詩欣狠狠咁盯住我，就係叫我收聲。
 
「覺，呢度d 音樂好和諧，真係俾人一種舒適既感覺。」朗朗講道。
 
「我都覺呀。」詩欣佢閉起雙眼感受呢種氣氛。
 
真係心諗，唔好再假d？
 




不過氹女朋友係要咁講野架啦。
 
但yuki佢就完全無動於衷。
 
「你唔鐘意迪士尼咩？！」我企係佢隔離問佢。
 
基本上我都係同佢一齊行架啦，因為前面果對人已經係拖住咁行，完全唔諗下後面既我地。
 
「唔係，只係今日個天咁樣，好難有心情姐。」佢勉強咁擠出個笑容。
 




「都係既，但入到去就唔同架啦。」我安慰佢。
 
「希望啦。」佢好似心事重重咁，可惜我無能力為佢解困。
 
我呀妹一黎到就已經好high，佢男朋友都陪埋佢一齊high。
 
間唔中都受到佢地既感染，我地都抱住輕鬆既心情入去迪士尼。我地每人俾自己果份，成500雞架，真係好心痛，因為我平時一個禮拜都用唔到500蚊。 

入到去已經見到個火車站同埋條大街。 

雖然係無咩人，但總有小貓三兩隻。 

我呀妹一蹦一跳咁拖住呀朗走，好鬼開心。 

而我同yuki係後面慢慢跟住佢地行。 





呀妹好似第一次黎迪士尼咁大驚小怪。 

我地黎遠見到米奇老鼠同埋米妮。 

都有幾個人係度同佢地合照。 

我心諗，奇怪啦......明明我之前記得佢地好似下就先出黎架，無咁快會出黎影相姐？ 

定係我記錯呢？ 

於是我問呀yuki，「yuki呀，你記唔記得呢...米奇老鼠係幾點出黎影相架？」我指一指果堆人。 

「ummmmm，我都唔清楚喎，我都好耐無黎啦。」佢搖一搖頭。 





咁算啦，可能我諗多左，但係唔點解我就係有一種既預感......

「喂！不如我地行下入面呀？」李詩欣佢轉個頭問我地。 

我望一望呀yuki，佢又望一望我，我已經估到佢諗咩，一定係同講﹕你話事啦。 

所以我就答﹕「無所謂呀。」 

入到去都有人係度睇下野呀咁樣，咁我對呢d野無咩興趣﹐就係度陪下呀yuki行下呀咁樣。 

呀妹同呀朗已經走左去睇下d情侶野，姐係唔岩我睇既野。 

真係好唔鐘意行街，好鬼悶。但yuki又睇得幾投入。 

正當我係度唔知應該做咩好既時候，突然間店入面有堆人尖叫。 





我同yuki即刻睇下咩事啦，係一隻米奇老鼠。 

佢唔係卡通人物果隻，係岩岩見到果一隻，同人影相果隻，姐係人扮。 

但佢手上面，仲要拎住把日本武士刀，同佢個樣好唔夾。 

因為佢戴緊果個頭盔係米奇老鼠，仲要係笑笑口咁架。 

你想唔想像到呀？佢咁樣真係好鬼死膠，用傻的嗎黎形容係最貼切不過。 

但係同時間你又笑唔出，因為佢係向住我慢慢一步一步咁行埋黎。 

佢要經過我果邊既時候，有個女人蹲左係佢前面，佢係驚到蹲左係度，正係識不停係度叫。 





隻米奇老鼠諗都無諗，一手舉起把武士刀，一野就斬左隻呀嬸既手上面。 

「咔嚓」一聲，手起刀落，正係聽到個嬸嬸係度慘叫，然後度手就落左地。 

我見既係成地都係血，而把武士刀都沾滿曬血。 

企係我身邊既yuki驚訝到用手嗚住左個口，瞪大隻眼。 

唔好話佢，我都唔敢相信眼前既事實... 

================================================================= 

想要停止殺戮，就必須付出同等既代價