《我獲得一個願望，我選擇左係學校做一次男神》: 第八十一章：旅程

係琴晚，我全神貫注咁預備係人生最後三日既旅途，而穎心亦都有啲攰，返左入房訓先。係我既世界裡面，好似凈係得返穎心咁，穎心先係我最值得珍惜既人，但係過多三日，剩低既就真係只有回憶。




今日，係我人生既第一日；咁樣睇自己既生死，會好過啲。

「起身啦，穎心。」

「唔？幾點啊...」





「九點啦，今日第一個行程等緊我地啊。」

「好啦好啦，我都要刷牙洗面換衫架。」

「咁我係廳等你啦。」

穎心今日著左套幾清新既套裝，一條藍色牛仔褲，襯上白色既T恤，今日依然扎左一個可愛動人既馬尾。

「出發啦，夠鐘啦。」





「去邊啊，咁心急既？」

「去機場啊。」

「下，去機場做咩？」

「去到話你知。」

我地搭的士去到機場，途中穎心不斷問我去邊，但係為保驚喜，我都係拒絕話比佢知。





「唔該。」






「你地既行李已經放左上飛機，呢到係你地既機票，可以隨時登機。」

穎心立即從我手中搶走機票，再望下張機票既目的地。

「下？去美國？」

「做咩無端端去美國啊，你係咪傻左。」





「無辦法啦，邊個叫我得返幾日命，而我最想你同我一齊享受去旅行樂趣。」

其實，目的地而係阿拉斯加，相信穎心誓死都估唔到。

「咁我地去美國邊到啊？」哈哈，真係，一去旅行就忘晒形。

「到時咪知囉，咁八卦。」

「不過我更加擔心既係，你得三日，你趕唔趕得切返黎香港...」

「放心啦，琴晚我已經預計好晒，我會話你知點做架啦，一切都在我手中。」

「好，咁我信你架啦。」





「上機！」




「喂，白痴明，做咩無端端想去阿拉斯加既？」

「我同你玩一個遊戲，成個旅程中你都唔準問裡面既細節，ok？」

「好囉，懶神秘。」

搭飛機既十幾個鐘，係耐左啲，不過睇下戲，睇下書，食完幾餐之後，都訓覺啦。

「早抖啦，穎心，養足精神應付聽日行程啊。」





「嗯，早抖。」我地訓之前錫左對方一啖就蓋被訓覺。




但係我並無諗過咁早訓，因為我仲要預備係阿拉斯加既野。




「早晨啊，白痴明。」

「唔使我叫你啦喎。」

「你個樣做咩咁攰既，無訓覺咩？」





「定係我翹住你訓覺，你訓得唔舒服啊。」見到穎心咁擔心我，真係傻。

「唔係啊，我琴晚太緊張，遲左入睡啫。」

「哈，傻佬，就睇下你今日玩咩。」

「各位旅客您好，這是來自機長的廣播，我們預計在十五分鐘分鐘之後降落至機場，預計抵達的時間為早上七點，現在當地的時間是六點四十五分，氣溫為攝氏－２度。請您繫好安全帶準備降落。非常謝謝您今天的搭乘，祝您有個愉快的一天。」




「阿明，個到得-2度咋喎，我地無帶厚衫架，實凍死啦。」

「你覺得我係咁無準備既人咩？」

「唔該，我地想攞兩件衫，號碼係X-593，唔該。」

「好，麻煩你等等。」

「好醒目喎。」

「梗係啦，點可以比我穎心凍親。」




「先生，你兩件衫。」

「哇，使唔使咁大件啊。」

「梗係要啦，入面仲有頸巾，手套，同埋禦寒打底褲架。」

「算你啦，有你我已經暖晒啦。」

「傻妹。」




提醒扣好安全帶既標誌熄燈，亦代表我地可以離開客機，往我地人生既目標進發。




我地著完衫，連鞋都換好就離開機場。

「我地企係到做咩？」

「睇下。」

「Hello。」

「Hello。」

眼前係一個好有型，滿面鬍鬚既四十歲大漢。
係大漢後面係一架好大既四人車。

「點解你會租到車既？」

「哎呀，叫左你唔準問野架喎。」

「係喎。」

「上車啦，凍死你啦。」




其實我有一個好大好大既問題想問佢，乜阿明識揸車架咩？仲要係阿拉斯加到揸車，佢係咪傻左？




「我知你想問咩，我梗係唔會係呢到揸車啦，佢去左幫我地搬野咋。」

「佢叫David，第時再想黎阿拉斯加咪揾佢幫手囉。」

「哦...」