《我獲得一個願望，我選擇左係學校做一次男神》: 第七十七章：抉擇

「即係點？」

「我覺得唔係凈係我變左，我諗我地都要諗清楚先。」

「好，你想考慮幾耐？」

「我覺得無一個限期，我亦唔想係限期到夾硬講一個答案出黎，最終令到大家都唔開心。」

「如果你一直都無答案呢？」





「咁對唔住。」





究竟我係咪應該放棄，阿明而家咁既樣，我好難再去同佢一齊。

「如果我辜負左你心意既，對唔住。」乜對唔住真係有用咩？





「我今次無買到返英國既機票，如果你有回覆，你打比我啦。」

穎心係一張紙條到寫低佢電話號碼，將紙條遞比我。

「再見。」

「嗯。」

望住穎心係隧道既背影越黎越遠，感覺上，自己做左衰人，明明自己都鍾意穎心，但係唔知為左啲咩，唔想應承穎心。








再次坐低，將未飲完既啤酒慢慢吞噬，但係原來啤酒慢慢飲係咁難飲，從前飲啤酒都係好快就飲完，但係而家慢慢咁飲，好似飲緊苦水咁，一啲啤酒味都無，好令人不快；或者愛情都係咁，快快咁搞掂一場愛情，感覺好似好正，好爽，但係當你慢慢去咀嚼，即使苦，但係苦盡甘來，或許先係真正要領受既經歷。

「Jessie，我地分手啦。」當我whatsapp佢既時候，佢頭像已經轉左做另一個男人同佢親吻既合照，有句俗語講得無錯，「綠帽唔怕帶，最緊要除得快。」雖然呢句野有啲破壞氣氛，但係又幾合時宜。




「穎心，今晚得唔得閒？」

「得，你有答案？」

「嗯。」





「海旁見。」

今晚我要同穎心講清楚，我唔可以再咁樣落去，一兩個月換兩三個女朋友，呢個真係唔似我，我不斷盲目追求愛情，為既，原來都係填補穎心既位置。




「對唔住，穎心，我無好好珍惜你。」

「唔好再講對唔住啦，最對唔住既根本係我。」

穎心係黑夜中忍唔住流淚，晶瑩既眼珠照亮左整個夜晚。

「唔好喊啦，係你人生最珍貴既人出現左，你無野再可以後悔，唔係應該開心咩？」





「咁...即係應承我，肯同我一齊？」就算點講，穎心都停唔到眼淚，睇黎壓抑左太耐，而家一次過爆發，會好痛。

「你認為呢？」

穎心飛撲埋黎，雖然答案無明顯講出黎，但係我無推開穎心，事實代表左一切，我亦都諗清楚。

「多謝你啊，阿明...」穎心攬左埋黎之後，喊得更加犀利，好似失散左既家人重聚咁。

「我唔會再離開你架啦，我應承你，你都要應承我。」

「好，我，白志明，永永遠遠都唔會離開洛穎心。」

「有你，我好開心，我相信我地從前堆積既感情，係今日終於可以爆發出黎，我地未表達既愛意，今日我地都要轟轟烈烈去愛。」








「我有好多野想同你講。」

「我都係。」

「不如你今晚去我屋企訓啦，你再住酒店會破產架。」

「破產咪你養我囉。」穎心終於係我面前展露笑容，同以前一樣，都係咁靚，笑得咁燦爛，比人一種活潑既感覺。

「邊個話養你。」

「下，唔養咁算囉。」穎心由笑，到扁嘴，都咁吸引，小小舉動已經勾左我靈魂。





「養，凈係養你一個。」

「梗係養我一個啦，你想要后宮？！」

「唔係...養埋啲仔女都好似唔錯咁啫...」

「想下好啦...遲啲先啦，嘻。」穎心係隧道入面，奔奔跳跳，而我係後面望住佢既背影；琴日，望住佢失落而去，今日，我同佢一齊擁抱著同一份快樂離開呢個傷心之地。




「啊...好攰啊。」屋企一直得我一個，自從父母去左歐洲公幹之後，一直都兜兜轉轉，周圍去，返黎都只係換下衫，然後再次遠征。

「唔好訓住啦，你唔使拾野架，你啲野係晒個喼到。」

「咁擺晒係你個衣櫃到囉。」

「咁快想佔據我生活？」

「係咪唔得？」

「得啦，傻豬，你攰你訓陣先啦，我幫你搞得架啦。」

「好啦。」穎心除左波鞋，一下跳上床到，唔夠五分鐘就訓著左，真係佩服佢，不過佢可能真係好攰，個心都一樣咁攰...




費事打擾佢，我熄燈，幫穎心蓋好被，最後錫左佢壓頭一啖，就輕聲關門，坐左係客廳。

(今晚十點前發放第八十一章。）