《我獲得一個願望，我選擇左係學校做一次男神》: 第六十二章：分裂

「今晚我可唔可以同你訓啊？」

「唔可以！就算你問幾多次都唔得。」我係絕對唔會比呢個咸濕佬上我張床。

「點解啫，結左婚都要一齊訓架啦。」

「喂！我地成間屋有兩層，你係到要訓同一張床，你係咪嫌唔夠逼？」

「好好，唔好嬲，最緊要聽老婆大人你話。」真係噁心。







返到英國，我更加唔自在，覺得身邊既野都好虛浮，明明阿明係我身邊出現過，點解會好似唔識大家咁。



今晚，我一定要同穎心訓！








凌晨兩點正。

有一個黑影，偷偷走入穎心間房，接近床邊，掀起張被，自己慢慢訓上去，但係又要避免整到穎心，男人慢慢張開手，攬住穎心...




今日，終於黎到決賽，真係幾經辛苦，打贏學界冠軍，港大足球隊，人地口中既爆冷，更加成為我地創造傳奇既力量。





「阿元，今日我地就要對住冰倫佢地，我地要萬分小心，即使我地真係贏晒之前既比賽，但係唔好忘記，CU入到決賽，同我地既路途差唔多，今場輸贏都好，我地踢既唔單只係一場波，更加係為UST取回面子既一場決賽。」




「咇！」今日心情好緊張，未試過係旺角大球場踢波，仲要真係有人買飛入黎睇，真係令我有啲感動。

「小朋友，我就等你知道幾時要識得收聲啦。」冰倫呢個人，真係好串，都唔知芊雪點解會鍾意佢...




開波既係我地，我同樣踢住右邊翼鋒既位置支援阿元，CU個邊個個既身形都好撞得，睇黎我地要以速度壓贏佢地。

我亦唔可以白費我幾個月既訓練，不斷練跑，速度一次比一次上升，體能一次比一次好，今次就係我發揮既時候。








「喂！做咩啊你！」大獲，比穎心發現左添。

「你個變態佬！」

「啪！」

「我咩都無做喎，你做咩打我？」我立即落床，走去開燈。

「無？你啱啱先攬住我，仲想係到亂摸啊。」

「我無啊。」





「好，我走，我真係頂你唔順，我同你講，我係唔會同你結婚，生仔，我一啲都唔愛你！」

立刻飛奔出去，其實我無諗過出左去之後，可以去邊...




「傳波！」

大腳砍去阿元到，佢控都唔控，立即窩立抽射，望住佢整套動作，係練習既時候已經非常純熟，心諗應該入硬啦掛...








「下！」個龍門牢牢接實，我同阿元都係到對望，而且已經滴晒汗，我地成個半場唯一既攻勢都比人沒收，跟住落黎可以點算...




「咦，穎心？點解你咁夜仲係條街到既？好危險架，你快啲返屋企啦。」哇！太好了，阿峰真係我既有緣人，咁都比我見到佢。

「我無左屋企...」

「下？唔好理住啦，你上我車先算啦。」阿峰真係好男人，又係一個值得我相信既人。

「嗯。」係車上面，我同佢詳細解釋，佢亦都話樂意車我返佢屋企，因為佢女朋友唔係英國。

「唔該晒你，如果今日見唔到你，我都唔知點算好。」





「哈，係架啦，我地咁有緣，又救左你一命，睇黎你要報到返我喎，嘻嘻。」阿峰係到奸笑，搞到我有啲驚。

「講笑咋，睇下你個樣，面都青埋，返到屋企快睇訓啦，好彩聽日星期六咋。」

「嗯。」係去阿峰屋企路上，我都訓左一陣，發左個夢，再次遇見阿明，見到佢車我返屋企，我同佢返到英國小屋裡面，一齊煮野食，開住個暖爐，我地互相擦手取暖，攬埋一舊，情景好溫馨，落車之後阿峰仲問我做咩笑得咁甜，我都無回答佢就入屋，好好咁訓左一教，而我「未來老公」件事，我會同屋企人解釋，然後同佢一刀兩斷，然後再買機票返香港，以後都唔會返英國，除非，阿明同我結婚，去英國定居...