《我獲得一個願望，我選擇左係學校做一次男神》: 第六十章：緣

「穎心！」

望住一個着住白色背心，牛仔短褲既女仔，連頭髮都同穎心一樣既女仔，仲唔係佢？




靜左三秒，首先係好多旁人望過黎，最後望過黎既，並唔係穎心。

「咦...」點解好似咁貨不對版咁既？





「先生，你叫我？」佢個樣，絕對唔夠穎心靚，更本就比唔上。

「對唔住，認錯。」無理由，強烈既感覺再次出現，再次感覺到穎心就係附近。



阿明...好傻啊你，我就企係你後面，點解你唔會頭啊，嗚...







唉，穎心睇黎都已經離開左機場，上左飛機，登上佢永遠既路途啦，既然緣分唔再續緣，我都無謂強求。

我低頭離開機場，心情亦都從來未試過咁低落，仲比穎心第一次離開我差，唔通，呢個世上真係無不散既宴席？




明！...點解你要低頭，點解你可以咁都見我唔到！好蠢！點解啊！只差一步，你就會見到我，好地地做咩要低頭喎...





「喂，啊明！」又係男班長，救命...

「點啊？」

「穎心呢？揾到未？」

「佢上左飛機啦...」

「下...阿明，既然佢走左，咁算啦，無謂逼自己，更加唔好逼穎心。」明明...明明就係佢特登話要黎揾我，而家又走左去...

「嗯，唔該你，男班長。」

「唔洗，咁，下次再講啦。」

「Bye。」








「FX－370飛往英國倫敦希斯路機場客機最後召集，請各位乘客盡快登機。」

手攞住機票，係登機口前，仍然煩惱緊返唔返英國。




不如用返一個最原始既方法決定去留，摘銀仔。

公係去，字係留。








一個銀係空中旋轉幾秒，跌落一塊黑色地毯上面。

我無拾返起個銀仔，繼續前行；個銀仔其實係冒險樂園既硬幣，兩面都係公仔，我只好離開。




好可惜，一切都好可惜，一直想愛既一對，鍾意大家既一對，毫無緣分，究竟係咩令到阿明一直都追唔到穎心呢...








其實我做左男神，都已經好好啦，又或者咁講，我再唔需要只係追求單一個女仔，而係世上既女仔，都係我個餐單上面，任選亦可，睇黎，今日我終於諗通，

失去，的確係學懂擁有既第一步。




更多既女仔，就係我擁有既熱身。




返到大學，我唔想再揾芊雪，亦到唔需要再揾芊雪，因為佢已經有男朋友。而佢男朋友就係同我同房個個冰倫，我對佢地一齊已經毫無興趣，何況出面仲有一個更大既世界等緊我。








「喂，你入左UST隊波喎。」返到房依然係見到冰倫，但係唔止佢係到，連芊雪都係到。

「係。」

「睇黎我地都好難碰頭，UST永遠都係垃圾。」咩話！

「你講咩！」

「我話你知，UST每況愈下，一年比一年差，從前係UST足球隊既」天下，而家，只係成個杯賽既渣滓。」其實都唔怪得佢咁講，成隊波都係得阿元佢地，即係班FM，完全無一個Y1以上肯踢，睇黎佢地真係怕左其他院校。

「UST今年會奪冠，我包保。」

「哈，憑你？你連射人都唔敢射，學人踢波？返屋企啦你。」

「好，睇住黎。」




就黎到各位大專生既考試，杯賽將會係暑假繼續，所以對我呢個傷者黎講，係一個非常好既消息。




我一開始都無踢波，掂都唔敢掂，費事整傷一次，成世無得踢波，所以我只可以去睇人踢波，當然包括英超啦，到到七月，大家都放緊假，我對腳都好得七七八八，可以踢波，更可以話對決冰倫既日子越黎越近。




「小姐，請佩戴好安全帶。」

「噢，唔好意思。」

望住白雲一直飄，一直飄，究竟佢地等緊邊架飛機呢？再望下個黎個個男仔，好靚仔，因為佢係外國人，不過佢去香港做咩呢，唔通黎旅行？

見佢望住本書，睇左十分鐘都未揭去下一頁，原來佢訓著左。

我八卦望下佢睇緊咩書，原來係一本日記。